Den un articulo reciente Andin Bikker (PDR) su amienda pa introduci apelacion den casonan di belasting te na Corte Supremo (“Hoge Raad”), a haya reconocimento na Hulanda y ta wordo subraya como e catalisator y base importante pa introduccion di apelación den casonan di belasting, no solamente​ ​na Aruba (entrante 1 di januari 2015), sino tambe n​a Boneiro, Saba y Sint Eustatius entrante 30 di juni, y pronto​ ​n​a Corsow y Sint Maarten. Den e articulo tambe ta mustra riba e ventahanan cu cambionan similar a trece cune na Hulanda desde 2005, tempo cu Hulanda a adapta su leynan di procedimiento fiscal pa por apela den tres instancia.

Tur isla den e parti Caribense di Reino Hulandes mester adapta nan leynan pa e apelacion te na Corte Supremo por drenta na vigor, pues asina cu nos hermana islanan Corsow y Sint Maarten finalisa e cambionan den nan leynan, esaki por bira realidad. Ta di spera cu esaki pronto por ta e caso, y den e ultimo Tripartite y Encuentro di Parlamentonan di Reino na mei ultimo un apelacion a wordo haci dor di Andin Bikker, via e delegacion di Aruba, na e respectivo Parlamentonan di e islanan pa cu esaki. Gobierno di Reino a apluadi e insistencia di e delegacion di Aruba riba e tema noble aki den un carta di dia 7 di juli ultimo.

Klik aki pa lesa e articulo completo.

Expresionnan haci den e articulo aki no necesariamente ta refleha opinion di ArenaPoliti.co