Contracto di Hedging ta un crimen di marca mayor contra henter nos Pueblo  

E contracto di Hedging cu a hack e prijs di petroleo pa Aruba na 90$ pa bari mientras cu petroleo ta mas barata cu nunca, ta un crimen di marca mayor. Prijs di awa y coriente no por baha pasobra Mike Eman y AVP a prefera sirbi interes aheno.

Ademas cu Aruba ta hayando petroleo na un prijs haltisimo, awor a keda divulga cu riba dje nos ta hayando petroleo di un calidad asina inferior cu e ta dañando motornan grandi di nos Planta di Awa WEB.

E pregunta pa haci ta: ta ken su interes ta wordo sirbi cu e Hedging aki pasobra di Aruba y nos Pueblo sigur cu no.

Tabatin tur indicacion cu prijs di petroleo lo baha. (Mientras tanto el a yega t'e na $ 50 pa bari). Asina mes e Gobierno aki di AVP a mara nos n'un prijs haltisimo. Dicon?! Pregunta valido cu nos mester haci nos mes.

Inhusto cu nos pueblo ta e victima di un Gobierno cu no ta sirbi interes di nos pueblo si no hamas a firma e contracto di Hedging. E situacion aki no por keda asina. Aruba no por keda bira victima di AVP.

Expresionnan haci den e articulo aki no necesariamente ta refleha opinion di ArenaPoliti.co