Den oranan di diahuebs atardi ultimo a tuma lugar un ceremonia di ponemento di krans den Santana di Santa Cruz, caminda a conmemora e di 29 aña di fayecimento di e gran estadista y libertador Gilberto François “Betico” Croes. Dilanti familiarnan di Betico Croes, miembronan di Fundacion Betico Croes y miembronan di partido MEP a hiba palabra sra. Xiomara Ruiz-Maduro (MEP), sr. Maikito Croes (Fundacion Betico Croes) y sra. Gisette Croes (yiu di Betico), kendenan den nan discurso a repasa e lucha sagrado cu a ser hiba door di nos Libertador y cu a conclui na nos Status Aparte dia 1 di januari 1986.
Despues di e ceremonia aki a tuma lugar un Santo Sacrificio den Misa Inmaculada Concepcion pa resa pa descanso di alma di e gran personahe Betico Croes.

Expresionnan haci den e articulo aki no necesariamente ta refleha opinion di ArenaPoliti.co