Gabinete ME II: Minister di Defensa Jeanine Hennis-Plasschaert di bishita na Aruba
![160125 Jeanine](/images/2016-Q1/160125-Jeanine.jpg)
ORANJESTAD - Diamars y diaranzon Minister di Defensa Jeanine Hennis-Plasschaert, ta haci un bishita di dos dia na Aruba. Defensa, representa pa Comandante di Forsanan Marino den region Caribense, ta un partner di siguridad hopi importante di e islanan di Reino. Minister Hennis durante su bishita ta atende un ehercicio di asistencia grandi y lo tin combersacionnan cu autoridadnan.
Diamars Minister Hennis ta un invitado na e base militar na MariniersKazerne na Savaneta y tambe abordo di e fragata Zr. Ms. De Zeven Provinciën, unda ta practicando asistencia di ayudo despues di un desaster natural. Esaki ta un di e tareanan principal di Ministerio di Defensa den Region Caribense. Asina por corda con e bapor Zr. Ms. Pelikaan, na luna di September 2015, a brinda asistencia na Dominica despues di horcan Erica, mandando un cantidad grandi di combustibel di ayudo y personal eynan.
Banda di e trabounan aki Marina Real ta hopi activo den combati transporte di droga illegal den Region Caribense. Aña pasa e bapornan di Marina Real a intercepta e cantidad grandi di 11.500 kilo di droga. Esaki den cooperacion estrecho cu Kustwacht di Region Caribense y un organisacion multinacional den combatimento di droga cu ta opera for di Key West, Florida.
Minister Hennis lo papia cu Prome Minister di Aruba Mike Eman, ministernan di Husticia y Finanza y Gobernador Fredis Refunjol. Tambe e lo presencia un demostracion di prisoneronan cu ta huy y con ta gara nan bek. Esaki ta tuma lugar na KIA (Korrektie Instituut Aruba).
Expresionnan haci den e articulo aki no necesariamente ta refleha opinion di ArenaPoliti.co