Gabinete ME II: Edad di pensioen di ambtenaarnan na Aruba ta subi na 65 aña
Edad di pensioen pa ambtenaarnan ta subi na Aruba di 60 pa 65 aña. Esaki a keda dicidi den Parlamento di Aruba pa medio di un decreto gubernamental den un sesion largo dialuna ultimo. Esaki tin como resultado cu pensioenfonds di e empleado publico APFA ta cubri 100% atrobe. Cu esaki existencia di e fondo ta keda garantisa pa futuro.
Aumento di edad di pensioen pa empleadonan publico ta e ultimo paso den reforma di e pensioen di ambtenaarnan. Minister President Eman: ”Manera ta conoci e prome Gabinete Mike Eman a haci reformanan grandi caba cu e pensioen di empleadonan publico. Na prome luga a corta severamente den e areglo di pensioen di mandatarionan. Despues a cambia e areglo di ambtenaarnan di eindloon pa middelloon, a inclui e franchise y a subi edad di 55 pa 60 aña. Hunto cu sindicatonan di sector publico a continua cu e di dos fase di reforma hisando edad di pensioen di 60 pa 65 aña. Cu un solo deposito di capital di 170 miyon, e herstelpremie ta cambia di 3% riba 15% y APFA ta cubri bek cu 100% (dekkingsgraad). Reforma di pensioen di empleado publico a keda conclui conforme acuerdonan haci den Dialogo Social”.
E prome y di dos fase di reforma na 2011 y 2014 hunto cu e deposito di gobierno den e fondo di APFA ta percura cu e cobertura di e fondo ta 100% atrobe y cu e fondo ta keda garantisa pa futuro. Eman: ”E gobierno aki a scoge den forma cla pa prosperidad y bienestar di su trahadornan den e añanan cu ta bin. E pensioen di e empleadonan publico no tabata duradero, e fondo tabata forma riesgonan grandi pa finanzas publico y dor di esey e pensioen di e ambtenaarnan no tabata sigura. Nos a drecha esaki pa un termino largo awor.”
E decisionnan aki tin como consecuencia tambe pa e haltura di e prima di pensioen cu gobierno mester paga tur luna na APFA. E reformanan ta scapa gobierno 40 miyon pa aña. “Cu e suma aki nos ta yega un paso grandi mas cerca di un presupuesto balansa”, Minister President Eman a bisa.
Aumento di edad di pensioen pa empleadonan publico ta e ultimo paso den reforma di e pensioen di ambtenaarnan. Minister President Eman: ”Manera ta conoci e prome Gabinete Mike Eman a haci reformanan grandi caba cu e pensioen di empleadonan publico. Na prome luga a corta severamente den e areglo di pensioen di mandatarionan. Despues a cambia e areglo di ambtenaarnan di eindloon pa middelloon, a inclui e franchise y a subi edad di 55 pa 60 aña. Hunto cu sindicatonan di sector publico a continua cu e di dos fase di reforma hisando edad di pensioen di 60 pa 65 aña. Cu un solo deposito di capital di 170 miyon, e herstelpremie ta cambia di 3% riba 15% y APFA ta cubri bek cu 100% (dekkingsgraad). Reforma di pensioen di empleado publico a keda conclui conforme acuerdonan haci den Dialogo Social”.
E prome y di dos fase di reforma na 2011 y 2014 hunto cu e deposito di gobierno den e fondo di APFA ta percura cu e cobertura di e fondo ta 100% atrobe y cu e fondo ta keda garantisa pa futuro. Eman: ”E gobierno aki a scoge den forma cla pa prosperidad y bienestar di su trahadornan den e añanan cu ta bin. E pensioen di e empleadonan publico no tabata duradero, e fondo tabata forma riesgonan grandi pa finanzas publico y dor di esey e pensioen di e ambtenaarnan no tabata sigura. Nos a drecha esaki pa un termino largo awor.”
E decisionnan aki tin como consecuencia tambe pa e haltura di e prima di pensioen cu gobierno mester paga tur luna na APFA. E reformanan ta scapa gobierno 40 miyon pa aña. “Cu e suma aki nos ta yega un paso grandi mas cerca di un presupuesto balansa”, Minister President Eman a bisa.
Expresionnan haci den e articulo aki no necesariamente ta refleha opinion di ArenaPoliti.co