Benny Nisbet (PPA): “E impacto di un upgrader su ‘by/waste’ products…mester worde splica pa gobernantenan!!”
Aruba su refineria lo bai habri bek ….esaki ta locual Gobierno di Aruba ta pretende y hasta oposicion ta hasi como sifuera ta gracias na nan. Pero te na e momento aki segun declaracion di e Lider di e partido cu ta oposicion den Parlamento MEP esta sra Evelyne Wever Croes y di actual presidente di parlamento ningun documento no a jega parlamento ainda riba e desaroyo aki !! Sin embargo por a tende declaracion di un otro miembro di parlamento esta sr. Glenbert Croes cu nan fraccion ta cla pa vota ‘pro’…tur esaki den su esfuerzo pa convence pueblo cu ta gracias na su persona/ su fraccion a jega asina leeuw. Otro fraccion den oposicion Dem Real ta pretende cu ta gracias na nan mocion cu e desaroyo aki a tuma lugar. Na mes momento sin embargo nan mes ta declara cu nada lo por tabata posibel si no tabatatin un intercambio directo entre gobierno Venezolano y gobierno di Aruba ! Pa colmo na Venezuela fraccionan den parlamento Venezolano a declara cu nan NO ta na altura y cu gobierno Venezolano a permiti e firmamento tuma lugar sin envolvimento di parlamento Venezolano. Mientras tanto ningun hende no sa ainda for di unda e 600 million dollar necesario pa e ‘transformacion’ di e refineria pa un ‘upgrader’ lo bini esaki debi na e situacion financiero hopi malo di tanto gobierno Venezolano como PDVSA cu a worde chica den curso di tempo door di nan gobierno/accionista. Tur esaki ta demonstra e ‘nuvia dudoso’ cu ta keda cologa riba e aventura commercial aki cu na Aruba tanto gobierno como oposicion ta pretende di ta un logro grandi pa nos pueblo. Y corda bon te na e momento aki ningun pero ningun fraccion den parlamento no ta na altura di locual a worde negocia y ta den e mas cu 2000 pagina cu ainda no a jega parlamento di Aruba !! Cu hopi derecho varios ciudadano ta puntra unda seriedad di tanto nos gobernancion como parlamento a keda den esaki ??
Presencia di un upgrader….Kiko ta su funcion y kiko e ta trece cune ??
Un upgrader por cierto no ta un refineria !! Un upgrader ta un fascilidad cu ta hasi trabao delanta riba locual ta worde jama ‘bitumen of very heavy crude’ cu mester worde procesa pa despues worde manda pa refinerianan cu si ta refina y ta saca product di valor for di djele !! Y kiko ta e imagen cu sitionan na mundo cu tin ‘upgraders’ tin den e mundo di crudo ? Y un pais ‘chikito’ cu ta biba realmente di Turismo normalmente por scoge pa tin un ‘upgrader’ presente en vez di un refineria ??
Tanto na Alberta, Canada como na e propio Orinoco, Venezuela upgraders a causa y ta causa hopi dolor humano pasobra upgrader cu ta procesa e ‘very heavy crude’ ta e causa pa ‘cancer’ anto hopi mas cu refinerianan conventional na mundo.
- Upgraders na Alberta, Canada a duna e aerea e nomber di ‘Cancer Alley’.
- Na Venezuela parce cu nan no ta publica documentacion manera debe ser pero PPA a logra pone man riba algun y nos kier cita: “Perhaps the information in the report of greatest concern relates to the levels of pollutants at the Jose Antonio Anzoategui Industrial Complex, which houses the 4 upgraders that process the crude from the Belt along with other related petro-chemical industries”.
- Upgraders en general ta manda 3 pa 4 mas CO2 cu refinerianan !! E informacion cu gobierno/consehero di gobierno ta publica den medionan di comunicacion cu den e acuerdo aki e UPGRADER lo funciona riba ‘gas’ y lo tin un sistema nobo na unda CITGO lo tin e deber di recoge e CO2 y despues esaki lo worde uza como cultivo di Algen. Na prome lugar te cu awe ningun documento relaciona cu e acuerdo cu CITGO no a worde manda ni a jega NI pa Parlamento NI pa Prensa…..Ningun ciudadano di Aruba sa si esaki ta cuadra cu berdad…..!! Fuera di esey for di e declaracion fecha 11 di juni 2016 di Citgo Petroleum International ta declara y PPA ta cita:” A complementary project under consideration would allow the utilization of excess natural gas available in the Paraguana region of Venezuela. Besides the significant energy cost savings in oprerations that this would generate, using natural gas would substantially reduce refinery emissions and contribute to environmental protection efforts in the regions, the CITGO CEO said”. Esaki ta menciona asina den e MOU’s cu a worde firma na Venezuela …ningun momento esaki ta un realidad pero esaki ta un estudio cu ainda ta worde hasi. PPA su informacion for di Venezuela ta bisa cu dia 10 di Juni 2016 cu a bai firma e documentacion na Venezuela, delegacion di Aruba a keda descepciona ora cu nan a worde informa cu e asunto aki NO lo worde formula como un hecho den e MOU’s pero cu E lo worde studia…mas leeuw cu esaki Venezuela/PDVSA no kier a bai ainda. Cu otro palabra e splicacion di Gobierno/Consehero cu esaki lo ta un ‘hecho’ simpelmente ainda no ta cuadra cu berdad.
- PPA a splica den otro articulo e production di e ‘by products’ cu ta causa di hopi problema…nos ta cita: “Pollution due to the production of coke and Sulphur waste from the upgrading process appears to be an ongoing problem at the Jose Antonio Anzoategui industria complex.” Ta justamente e produccion di e ‘petcoke y Asuphre’ cual lo ta e by-products cu un upgrader ta produci y na un escala hopi mas grandi cu un refineria….esaki tin di haber cu e ‘extra heavy crude’ cu lo mester worde procesa den un upgrader.
- Na 2011 prensa venezolano a publica cu un instancia civil a hasi un apelacion riba e accionistanan minoritario di PDVSA pa nan tambe carga nan responsabilidad den esaki …PPA ta cita :’in the current projects in production on the Belt, to address the levels of coke being generated as a by-product of the upgrading of crude’. E organization civil a hasi un intento pa defende e interesnan di ciudadania venezolano biba den e area di e upgraders ..y PPA ta cita:”claiming that there were complaints by the inhabitants of villages near to the Jose Industrial Complex that they are suffering respitory problems and allergies due to the waste products”…
Opinion di PPA:
Awor si na Alberta, Canada y na Orinoco, Venezuela e trabao y e ‘by products’ cu upgraders ta produci ta trece cune un aumento substancial di e.o. ‘cancer’ anto kende den nos gobierno y parlamento por simpelmente accepta un ‘upgrader’ sin cu nan a bai studia e impacto riba ‘salud publico’ di tanto e trahadornan como e pueblo di Aruba en general, pueblo di San Nicolas en particular.
PPA sinceramente ta cuestiona con por ta posibel cu un isla ‘chikito’ manera Aruba cu ta depende grandemente di turismo por accepta un ‘upgrader’ anto pa 25 anja sin e garantia pa minimalisa e CO2 etc.. y con lo atende cu e ‘petcoke y asufre’ cu otro palabra ora e impacto riba nos naturaleza y nos salud publico inicia …nada mas lo por worde hasi.
PPA ta desea pa gobierno di Aruba entrega na parlamento y na pueblo un of mas rapport unda e impacto di upgraders y nan trabao den mundo a worde evalua banda di e hecho cu Aruba ta un destino turistico ??? PPA ta desea pa gobierno di Aruba produci un rapport unda e posibel impacto riba nos ‘salud publico’ a worde evalua seriamente worde entrega na parlamento durante di e proceso cu ainda no a inicia na parlamento ?? Manera nos a bisa e splicacion di gobierno y consejeronan cu ta bai exploita e refineria riba ‘gas’ ta un posibilidad pero E no ta sigur segun e propio declaracion fecha 11 di juni 2016 …..Un estudio ta worde hasi !!
PPA por biba cu re-apertura di un refineria conventional pero PPA ta cuestiona tanto Gobierno como Parlamento seriamente encuanto permiti transformacion pa un upgrader sin mas…KIko a worde hasi y palabra pa frena e posibel desaroyo aki y proteha ‘salud di pueblo’ ??
Un vez mas PPA a sinti como nos deber di cuestiona esaki especialmente ora nos a tuma nota cu parlamento no tabata hasciendo su trabao den prepara y cuestiona un posibel ‘upgrader’ riba nos Isla …sin mas.Hasta kada fraccion den parlamento ta pretende cu e logro di e projecto ta di nan mientras cu te na e momento aki ningun documento mes no a jega parlamento. Mester splica pueblo con a prepara pa proteha ‘salud publico’ di pueblo di Aruba en general, trahador y San Nicolas en particular.
PPA lo bin bek den mas articulo cu info riba e topico aki.
Aruba, 4 di September 2016
Lider Politico di PPA
BENNY NISBET
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...