SANTA CRUZ -- Nos a tuma nota cu parlamentario Jeffrey Kelly kier purba cuestiona nos Lider riba e asunto di e comicion di integridad di Reino bisando cu nos Lider lo ta oportuno y falso. Aki ta na unda cu nos mester bisa Jeffrey cu e ta e ultimo hende pa cuestiona nos Lider ya cu e mes ta un homber cu a demostra di ta oportuno y falso.

Jeffrey tin e curashi di ta tilda nos Lider di ta oportuno y falso, pero con bin cu Jeffrey como un homber cu tin tur e cualidades aki ta durf di tilda nos Lider di ta mescos? Acaso nos mester corda Jeffrey cu eleccion pasa e tabata dispuesto pa subi riba lista di MEP? Acaso Jeffrey a lubida con un siman promer cu ela subi lista di AVP ainda e tabata lobby cu un candidato di MEP pa e por core campania pe? Pero Eman a convence Jeffrey pa subi su lista di AVP cu e promesa pa bira parlamentario y aki ta na unda Jeffrey a “laat zich kennen” como un hende falso y oportuno pa por saca probecho personal. Ademas, Jeffrey Kelly kier pa nos publica su bida personal cu no ta nada di gaba? Su "escapaditanan"? Jeffrey Kelly hamas por para den sombra di nos lider, un dama integro y di conducta intachable.

Pesey Jeffrey promer cu bo kier bin tilda hende drechi pone e spiel bo dilanti pa bo por mira con oportunista y falso bo ta. 

Expresionnan haci den e articulo aki no necesariamente ta refleha opinion di ArenaPoliti.co