Dia pa dia mas obvio cu e gobierno di promer minister Mike Eman mester cuminsa pakete su maletanan y bai nan cas. Un gobierno cu no tin un vision unda e kier hiba nos pais, no tin un masterplan traha pa nos turismo y no a percura pa trata e ley pa maneha e fenemomo di hotelnan all inclsusive no por keda mas.

Ora tin un gobierno caminda e propio miembronan di e gabinete ta cuminsa habri wowo y cuminsa critica nan propio gobierno abiertamente ta un senjal cla cu e dianan di e gobierno aki ta conta. Ayera a toca turno na ministrr Otmar Oduber pa entrega su retiro y esaki no ta e promer cu a entrega retiro. Ta fresco den nos memoria con ex minister di finanzas Juan David Yrausquin tambe a entrega su retiro. Ambos minister a duna di conoce cu nan no ta haya cooperacion di nan coleganan y e propio coleganan no ta communica cu otro. Con e gobierno aki kier atende y soluciona e problemanan di nos pais sabiendo cu internamente mes nan no por solucionan nan porblemaman. E ta un hecho awor cu Otmar Oduber a saca su conclusion y ta bandona e barco net promer cu e zink. Mester qordo bisa si cu e retiro di Otmar, e a confirma (cu su declaracionnan) cu e gobierno di Mike Eman, cu e ta aden y a forma parti di dje pa 6 anja y mey, NO ta sirbi pa nada, NO tin liderasco, NO ta tene su mes na palabracionnan y NO tin respet pa otro. Corda pa tin respet pa Pueblo.

Esaki ta e situacion actual di e gobierno di nos pais. Si e propio ministernan mes no tin respet pa otro ta con nan lo tin respet pa nos pueblo votador.

E gobierno aki a demostra incapaz pa atrae turistanan di calidad. Bo ta wak e den e cifranan cu anja pa anja e turistanan cu Aruba semper a ricibi no ta yegando mas. Loke nos ta mira cu e enfoke a bira pa atrae mas tanto turista posibel y asina haci comosifuera e placa cu nan ta laga atras a aumenta siendo ora nos haci un anaylisis di cada turista cuanto placa e ta laga atras bo ta nota cu esaki ta cayendo drasticamente. Minister Otmar Oduber for di masha tempo a anuncia cu e lo ta trahando riba un ley pa maneha e fenomeno cu yama All Inclusive Hotels. Mescos cu masha anja pasa e la anuncia un commuter airport na san Nicolas y e la anuncia un Hard Rock Hotel e ley pa maneha All Inclusive a ked ate na un anuncia pasobra te dia di awe e ley aki no a mira luz di dia y nos ta lamenta esaki profundamente. Actualmente tin un algun desaroyo den nos sector turistico cu sigur lo bai afecta e calidad d turistanan cu ta biniendo Aruba. Informacion a yega serca nos cu Holiday Inn hotel lo bira un hotel All Inclusive y ta converti 600 camber cu anteriormente tawata European plan pa all inclusive. E grupo cu ta interesa den Holiday Inn lo ta un grupo yama AM Resorts.

Di henter e high rise strip cu ta famoso mundialmente ta unicamente 2 hotel a keda cu no ta all inclusive. E gobierno sin vision aki a converti nos pais den un one all inclusive island y cu esaki e lo bai afecta nos economia y nos pais grandemente. Grecia ta un dia paisnan cu awe ta pasando den momentonan sumamente dificil y tur cos a cuminsa ora e hotelnan all inclusive a haci nan entrada na Grecia. Aruba por wordo compara cu Grecia den sentido cu tin un maneho financiero hopi malo, esaki a wordo confirma pa e propio minister Otmar Oduber y e entrada di un cantidad di all inclusive hotels. Gobierno di Aruba ja caba a bai di acuerdo pa Holiday Inn bira un all inclusive y asina poco poco e gobierno di Mike Eman no solamente ta destruyendo nos pais sino ta cabando cu nos unico pilar economico tambe.

Expresionnan haci den e articulo aki no necesariamente ta refleha opinion di ArenaPoliti.co