Evelyn Wever-Croes: Con gobierno por hisa prijs di gasolin, siendo cu prijs di crudo a sigi baha?
Gobierno a anuncia aumento di diferente producto a consequencia di e aumento di BBO pa Health Tax. Algun di e productonan cu a aumenta den prijs ta gasolin, diesel y kerosine, cu 2% cada un! Por mira esaki riba e tabel akibou.
Ningun hende ta comprende e logica di gobierno, pasobra hustamente awor prijs di crudo ta bahando drasticamente. Pesey Curacao ta baha su prijs di gasolin cu 20 cen y Hulanda tambe a haha cu 8 euro cent.
Pa colmo, si bo calcula e aumento di prijs di gasolin, diesel y kerosin manera Gobierno a anuncia, bo ta realisa cu nan no a aumenta e prijs cu 1%, sino cu 2%. Un medida scondi atrobe, pasobra si e prijs aumenta, e accijns cu gobierno ta cobra tambe ta aumenta. Pues den e aumento aki tin dos medida scondi: aumento di BBO y aumento di accijns.
Locual hopi no ta compromde ta dicon gobierno a aumenta prijs fiho. Pasobra e ley di e health tax ta stipula den art. 5 cu e heatlh tax mester wordo menciona separa riba e factura y pues no mag di wordo scondi den e prijs. Si gobierno mes ahusta e prijs awor, ainda e comerciante mester cobra health tax adicional riba e recibo? Kiermeen hendenan ta bai paga health tax double?
Esaki ta un abuso contra pueblo. Bo ta mira mesora cu e ley aki a wordo introdusi den pura y con c uta. Manera Minister Bermudez a premira, e introducción no a bai sin problema, pesey mes sr. Bermudez a informa Parlamento cu si e tabata tin mas tempo, lo e no a bin cu e health tax aki. E ta mucho complica y e ta hopi mas cumulativo.
Palabra ta na gobierno awor : dicon ta aumenta prijs di gasolin mientras prijs mundial a baha?
Expresionnan haci den e articulo aki no necesariamente ta refleha opinion di ArenaPoliti.co