Si nos ta kere cu ley di Curatela Financiero CFT CAFT cu a wordo aproba dor di Mike Eman y Partido AVP su unico consekuencia pa nos Pueblo ta nos STATUS APARTE, NOS TA COMETIENDO UN FOUT GRAVE.

AWOR E CADENA DI CASTIGO CU E MEDIDANAN CONTRA NOS PUEBLO TA BIN YA PROXIMAMENTE. Nos di MEP cumpliendo cu nos deber di sali na defensa di nos Digno Pueblo kier alerta nos Pueblo riba e rabo di medidanan cu ta na caminda cu ta bai cabi corta nek financiero di tur famia na Aruba.

Laga nos puntra nos mes: ACASO NO TA SUFICIENTE SUFRIMIENTO CABA CU TUR E MEDIDANAN CU MIKE EMAN Y AVP A TUMA CABA CONTRA PUEBLO? ACASO MIKE EMAN Y AVP NO TA REALISA CU NOS PUEBLO NO POR SUFRI MAS CASTIGO CU RABO DI MEDIDANAN CU LO BIN CU E CFT CAFT?

Loke e pasa diahuebs ta un senjal di un Pueblo cu ya ta sufriendo di mas na man di tur e medidanan di Mike Eman y AVP. Awor Mike Eman, AVP Y CFT TA BAI CABI CABA CU NOS PUEBLO CU E MEDIDANAN CU LO BIN PROXIMAMENTE.

Laga nos como Pueblo realisa na tempo prome cu ta laat. NO TA HUSTO PA NOS DIGNO PUEBLO SUFRI PA CULPA DI E DESASTRE FINANCIERO CU MIKE EMAN Y AVP A OCASIONA.

CUA LEY CU TA CU BIN NA VIGOR PA CRUCIFIKA E FUTURO DI NOS PUEBLO, CONDENA BIDA DI TUR FAMIA NA ARUBA Y SENTENCIA E DESTINO DI NOS JUINAN MESTER WORDO REVOKA.

NO TA TUMA MEDIDA CONTRA E CULPABLE CU TA MIKE EMAN Y AVP, TA TUMA MEDIDA CONTRA E PUEBLO INOCENTE CU YA CABA TA PASANDO HOPI NECESIDAD.

GABINETE MIKE EMAN Y GABINETE RUTTE: RECAPACITA

Expresionnan haci den e articulo aki no necesariamente ta refleha opinion di ArenaPoliti.co