Cu gran humildad mi ta ricibi den nomber di henter nos Digno Pueblo e reconocimiento di e programma INTERES DI PUEBLO. E RECONOCIMIENTO AKI TA CORONACION DI E LUCHA DI NOS DIGNO PUEBLO CU A LOGRA HABRI E REFINERIA DI ARUBA BEK.

Den nos lucha nos a wordo inspira semper pa e palabranan di nos inolvidable LIBERTADOR BETICO CROES kende a bisa na anja 1985: SI TIN 1% CHANCE PA HABRI E REFINERIA BEK NOS MESTER LUCHE TE ORA LOGRE. E mensahe di su expresion ta: NOS NO POR KEDA DEPENDE DI TURISMO SO, ARUBA MESTER DIMMAS PILAR ECONOMICO Y SIGUR SU REFINERIA CU TA ARUBA SU DI DOS PILAR ECONOMICO.

Fundamental tambe den nos lucha tawata, cu apesar cu GABINETE MIKE EMAN A DUNA LUZ BERDE NA VALERO PA DESMANTELA E REFINERIA, NOS DIGNO PUEBLO SEMPER A BIBA CU ESPERANSA PA UN MILAGRO CU E REFINERIA DI ARUBA LO POR HABRI BEK. Encuestanan a comfirma cu 72% di henter nos Digno Pueblo tawata ta desea mira e refineria di Aruba habri bek.

Diahuebs ultimo Gabinete Mike Eman a informa Parlamento cu for di 2014 esta anja pasá nan tawata tin contacto cu CITGO. MI PREGUNTA NA AVP: DIKON BOSO NO A HABRI E REFINERIA ANTO FOR DI ANJA PASÁ? DIKON ANTO GABINETE MIKE EMAN A DUNA VALERO LUS BERDE PA DESMANTELA E REFINERIA?

E BERDAD CRUEL CU AVP GUSTA OF LAGI GUSTA TA: AVP TAWATA KIER DESMANTELA E REFINERIA DI ARUBA CUESTE LOQUE CUESTE.

E ERROR GRAVE DI AVP PA LAGA VALERO ATENDE CU POSIBEL CUMPRADORNAN TAWATA E PLAN DIABOLICO DI AVP/VALERO PA HAMAS HANJA UN CUMPRADO Y PA ASINA NAN DESMANTELA E REFINERIA PASO ESEY MIKE EMAN TAWATA KIER Y ESEY VALERO TAWATA KIER.

TAWATA E ESFUERSO DI NOS PUEBLO: ACCION ORA CERO, E REUNIONNAN DEN PARLAMENTO Y FINALMENTE E REUNION CRUCIAL CU PDVSA NA VENEZUELA ACOMPANJA PA E VISION DI MEP PA PDVSA HABRI E REFINERIA DI ARUBA SIN VALERO Y DIRECTAMENTE CU GOBIERNO TAWATA E VISION CU A TRECE PDVSA CITGO NA MESA BEK Y CU AWE POR GRITA CU ORGUYO CU PULMON YEN: E REFINERIA DI NOS PUEBLO TA HABRI BEK. 

NOS A USA E CURASHI DI E GOBIERNO DI MEP NA ANJA 1985 PA RICIBI E TRASPASO DI E REFINERIA PA PAIS ARUBA E TEMPO EY DI LAGO ESSO, Y NOS A USA E CURASHI DI GOBIERNO DI MEP NA ANJA 1989 PA PARA DESMANTELACION Y PA GOBIERNO DIRECTAMENTE CU COASTAL HABRI E REFINERIA BEK. 

ESAKI TA E CURASHI CU AVP NO CONOCE Y CU HAMAS NAN LO CONOCE PASO E NO TA DEN NAN VIBRA NI VENA COMO PARTIDO.

AWE CU NOS REFINERIA TA HABRI BEK TA UNICAMENTE DANKI NA NOS GRAN DIOS Y NOS DIGNO PUEBLO CU A KEDA KERE DEN E REFINERIA Y CU A LAGA SU ROSEA CAYENTE WORDO SINTI CU A PONE GABINETE MIKE EMAN PARA RECTIFICA Y CORRIGI CURSO.

REAPERTURA DI E REFINERIA DI ARUBA TA E VICTORIA DI NOS DIGNO PUEBLO CU A KEDA SONJA CU ESPERANSA Y FE DEN UN MIHO ARUBA PA NOS JUINAN. NOS DIGNO PUEBLO Y NOS JUINANA DEFINITIVAMENTE MERECE MIHO. E DIA PA CORRIGI GABINETE MIKE EMAN CONTUNDEMENTE LO YEGA PRONTO.

Expresionnan haci den e articulo aki no necesariamente ta refleha opinion di ArenaPoliti.co