Rene Herdé: No tin niun intencion pa elimina niun prima of 'vakantie uitkering'
![Herde09](/images/400x210/Herde09.jpg)
Pa lunanan largo caba MEP ta purba sembra preocupacion y discordia den comunidad. Nan no por haci esaki cu ningun argumento of preuba. Pesey nan tin cu recuri na gañamento. Net un dia despues cu parlamento a aproba e ley pa sigura e pensioen di tur trahado di gobierno y maestronan di scol, MEP ta purba sembra e preocupacion aki. Net un dia despues cu e crea e fondo extra pa sigura cuido medico pa henter nos comunidad sin cambia e pakete di seguro, MEP ta bolbe gaña pueblo. Pero manera semper, mentiranan di MEP no ta dura largo. Ayera nochi y awemainta a keda confirma cu nada di loke MEP ta bisa ta berdad. Empleadonan di gobierno y maestronan di scol a cobra siman pasa, banda di nan salario mensual, e "prima di fin di aña" (gelijk bedrag) di 1500 florin. Na januari nan lo cobra e "voorjaarspremie" di 1500 florin (bashi premie), na juni nan lo cobra e "vakantie uitkering" y na october nan lo cobra e "back to school premie" di 850 florin banda di nan salario. Den esaki no tin niun cambio. Si MEP no kier yuda nos pais bay dilanti, sikiera nan por para un banda y laga otro si traha pa nos pais! Nan gañamento no ta yuda!
Expresionnan haci den e articulo aki no necesariamente ta refleha opinion di ArenaPoliti.co