Damox ta e compania di e intimo amigo di Otmar Oduber, y el a wordo lanta dia 2 di Augustus, 2011 y esaki ta e cosnan cu Parlamento ta exigi claridad, segun Parlamentario di MEP, Dangui Oduber. Minister Otmar Oduber tambe a papia durante su conferencia di prensa, cu e ta un minister transparente y tur informacion cu parlamento puntra pe, nan lo haya. 

Ta spera cu esaki ta e caso pasobra a rais di e escandalo aki di e logo di Aruba cu a bin sali na cla, cu ta e propio minister di turismo a duna su propio compania, Graphix and Beyond e logo di pais Aruba, pa haci negoshi cune, Un minister asina, mester tene honor na su mes y entrega su retiro. Na momento cu ta asumi un funcion di minister, e regla number 1 di integridad ta cu no ta haci mal uzo di bo posicion, bo no ta haci mal uzo di bo poder pa beneficia bo mes. Awe ta sli na cla cu e compania Graphix and Beyond ta pertenece na Otmar Oduber. Nan a bay camufla esaki durante e periodo y diripiente Graphix and Beyond a duna tur su derechonan na Damox. Awor diripiente Damox ta un dochtermaatschappij di Graphix and Beyond. Tin cu toch puntra e minister con e derechonan di Graphix and Beyond a wordo traspasa pa Damox. Dicon Damox no a wordo funda prome, dicon Damox no ta e compania cu a haci e bidding, a participa na e proceso di destaho publico di e logo di Aruba y dicon Damox a wordo funda despues cu a wordo haci conoci cu ta Graphix & Beyond cu a gana e logo di Aruba. Por conclui cu tabata tin un konkelmento pisa den registro di Camara di Comercio, konkelmento cu e sharenan di e compania aki, pero tin prueba den man y lo prueba esaki tambe. A manda preguntanan por escrito pa e minister en cuestion esta Otmar Oduber. Den cuadro di transparencia pa e dua tur informacion cu parlamento ta pidi y sea habri cu parlamento pasobra e asunto aki ta un asunto serio, pasobra placa di pueblo aw ordo uza pa beneficia e compania di e minister y si no tabata pa beneficia e compaia di e minister, sino pa esun di su ruman, manera e intimo amigo a yama e minister Otmar Oduber na radio. Na momento cu un locutor ta haci pregunta na e ruman di e minister, dicon e minister a bisa cu e compania Gaphix and Beyond ta di dje, e intimo amigo a contesta e locutor, cu esey lo mester haci e pregunta na e minister.

E acusacionnan aki ta acusacionnan serio, acusacionnan cu por prueba cu tur documentonan cu MEP tin den su poder. Ta spera cu e miniter ta transparente manera el a bisa. Kier sa tambe for di e minister, cuanto e compania, awor ta Damox. Si Damox ta un dochtermaatschappij di Graphix and Beyond, esey kiermen cu Damox tambe ta un compania cu e minister mester ta doo di dje di un manera of otro. Cuanto e compania aki a paga AT durante ultio 5 añanan aki na Royalties. Den contract ta para cu e compania aki lo mester paga ATA anualmente $20 mil y 4% di nan benta. E ora den cuadro di transparencia, lo ta bon pa e minister informa comunidad, cuanto e compania aki a paga ATA durante ultio añanan aki. Ta e companianan aki, liga na su intimo amigo, no solamente ta gana bidding pa e logo, pero ta gana logo pa print banners, gana pa bende merchandise cu logo di aruba riba dje. Pakico semper ta e companianan aki liga na e minister ta gana tur e biddingnan aki. E minister aki semper a cuestiona gobierno anterior, semper a instiga, insulta gobernantenan y a bisa cu nan ta trata pa friends & Family. Nan ta trata pa amigo y famia y mira kico e ta bira haci na momento cu e a asumi responsabilidad, no solamente el a yuda un intimo amigo, no solamente el a yuda famia, pero sino dene caso aki, el a yuda su mesun compania. E minister no por bisa otro awe cu no ta su compania, pasobra su mes a admiti esaki durante e rueda di prensa, e Parlamentario a conclui.

Expresionnan haci den e articulo aki no necesariamente ta refleha opinion di ArenaPoliti.co