Remarcabel durante un conferencia di prensa cu minister Otmar Oduber a yama pa duna informacion encuanto algun pregunta cu e reportero Speed Andrade a haci den su ireccion. Loke tabata remarcabel cu tabata tin durante e conferencia di prensa aki, tabata e hecho cu na momento cu e periodista, Speed Andrade a haci minister Oduber un pregunta.

El a puntra si e compania Graphix and Beyond ta conoci pe. E contesta, e Parlamentario a keda asombra, pasobra a hopi aña tabata tin speculacion cu e compania Graphix & Beyond lo ta di e minister y e mes a otorga su mesun compania, e logo di pais Aruba. Kico a resulta durante e conferencia di prensa aki, e propio minister a confirma cu e compania, Graphix & Beyond ta di dje, Otmar Oduber. Despues cu el a confirma esaki, MEP a haci su investigacion y por a wak cu tabata tin un sin fin di konkelmento cu e compania Graphix & Beyond aki. Parlamentario di MEP, Dangui Oduber, a comenta cu ora cu ta bin cu acusacion, of insinuacionnan, por prueba esaki. Pesey ta bisa cu no ta etico na momento cu ta un minister, ta haci mal uzo di bo posicion, ta haci mal uzo di bo poder y ta beneficia bo mes den e caso aki. Den e caso di Logo di Aruba, minister di turismo, Otmar Oduber, a beneficia su mes. El a duna su mes un compania cu ta Graphix & Beyond, e logo di pais Aruba. Dia 24 di Juni, 2011, ATA a manda un comunicado pa tur medio di comunicacion na Aruba. Den e comunicado aki ta para cu e compania cu a gana e bid pa tin e logo di Aruba, ta Graphix & Beyond, situa den Avenida Milio Croes 25. Durante e conferencia di prensa di prensa e minister a admiti cu e compania Graphix & Beyond ta di dje, pero el a bisa cu e compania aki a wordo cera na aña 2009, cual na e moment ey ta un gañamento y un trocemento di berdad. Te awe, cu nos ta na 2016, e compania Graphix & Beyond ta activo. Ora cu bay busca den e registro di Camara di Comercio, por wak cu tabata tin un sin fin di konkelmento. Na prome luga, e compania yama Graphics & Beyond. Esun cu ATA a manda comunicado di prensa, informando medionan di comunicacion, cu Graphix & Beyond ta e compania cu a gana e bid di tin e logo di Aruba.

E nomber ta skirbi G R A P H I X & Beyond. Ora cu bay busca den registro cu berdad, cu ta e propio Otmar Oduber ta doño di e compania aki. Tin un historial di e compania aki. Dia 5 di Augustus, 2012, e compania Graphix & Beyond, a wordo publica den tur medio di comunicacion, Otmar Oduber tabata doño di e compania aki. Diripiente e compania aki a wordo cancela na 2009, net prome cu eleccion, manera cu Otmar Oduber a bisa durante conferencia di prensa y nan a cambia nomber di Graphix & Beyond. Nan no ta skirbi'e mas G R A P H I X mas, sino G R A P H I -X, mientras tanto, na 2009, e doño di e compania aki a keda den seno familiar di e minister. Dia 12 di Juni 2009, nan a saca e casa di e minister for di e compania y e compania a mantene su nomber, cu e -X. Dia 5 di September, nan a bolbe cambia nomber di e compania y dia 5 di September, te cu awe, e compania yama mesun cos, caminda ATA a informa comunidad dia 24 di Juni, 2009. E biaha aki ta casa di e intimo amigo, ta doño di e compania. Loke ta remarcabel ta cu e propio compania Graphi-X & Beyond, diripiente, no ta den man di e compania aki, sino den man di compania Damox. Interesante den henter e asunto aki ta, cu mientras ATA ta informa comunidad y tur medio di comunicacion, cu e compania cu a gana e logo di Aruba, e compania cu a gana e destaho ta Graphi-x & Beyond. Dia 24 di Juni 2011, si a busca e tempo ey, e compania ey, no a hay'e. E compania ey no tabata existi dia 24 di Juni 2011. Con por ta posibel cu ATA ta cera un licentie overeenkomst cu un compania cu yama Damox, si e no ta un compania cu a bid, pa e logo di Aruba, e Parlamentario a comenta por ultimo.

Expresionnan haci den e articulo aki no necesariamente ta refleha opinion di ArenaPoliti.co