Parlamentario Dangui Oduber (MEP): E pruebanan ta papia pa nan mes riba e escandalo di logo di Aruba!
Den un communicado manda pa prensa y tambe durante un rueda di prensa minister Otmar Oduber lo a purba di hustifica e hecho cu su mesun compania a gana e bid pa haci negoshi cu e logo di Aruba. Segun Otmar Oduber nos no lo tin prueba cu e ta donjo di e logo di Aruba. Mi ta kere cu na momento cu e mes a confirma durante e rueda di prensa cu E ta donjo di e compania Graphix and Beyond e la bisa suficiente pasobra e mesun compania aki ta esun cu a bid pa e logo di Aruba y ta e mesun compania aki ta esun cu a gana e bid. Ora bo subi riba e registro di camara di comercio y busca e compania ak Graphix and Beyond bo ta nota cu tawata tin un sin fin di konkelmento cu e compania aki. Tawata tin inscripcion di e compania, despues e compania cu tawata un VOF ta wordo cambia den un NV, despues donjonan di compania ta wordo saca, despues nomber di compania ta wordo cambia. Mi ta kere cu si di berdad Otmar Oduber lo tawata kier ta transparente y no lo tawata tin nada di sconde e lo a presenta tur e cambionan cu nan a haci den e compania Graphix and Beyond na prensa y na pueblo y laga cada ken huzga pa nan mes. Den transcurso di anjanan tawata tin un sin fin di konkelmento y e unico motibo tras di e konkelmentonan aki ta pa saca Otmar Oduber for di e compania y haci comosifuera e no tin nada di haber cu e compania Graphix and Beyond siendo cu e mes ta donjo. Si di berdad e kier ta trasnparente e mester demostra nos e aandehoudersregister di e compania aki. Nos a presenta tur prueba cu tin cu ta demostra esey y e propio Otmar Oduber mes a confirma cu e ta donjo di e compania. E wega cu nan a bai hunga cu cambiamento di varios cos den e compania no ta cambia e hecho cu Otmar Oduber mes ta donjo.
Mi ta kere si e pruebanan cu nos a presenta no ta prueba anto mi no sa kiko esakinan lo ta. Wak cuanto konkelmento tawata tin cu e compania di Otmar Oduber. Wak kende a gana e bid pa e logo di Aruba. Wak despues diripiente compania ta wordo cambia y ta otro compania ta sera e licentieoverkomst cu ATA. Wak ki dia Damox a wordo inscribi na camara di comercio. Wak e fecha cu ATA a informa comunidad cu Graphix and Beyond a gana e bid pa logo di Aruba. Pa haci un storia cortico esaki ta e feitenan:
Graphi-x a wordo cancela na 2009 Pero toch Graphi-x ( cu desde 2009 NO ta exisiti mas) ta gana aanbesteding na 2010, y despues Graphi-x ta pasa pa un otro donjo na 2011, y na 2011 Graphi-x a pasa tur cos pa un compania nobo cu ta Damox NV..di cual donjo ta Ralph Maduro!!!!E hecho cu un compania yama Graphix and Beyond ta bid y despues ATA ta informa communidad dia 24 juni 2011 cu ta Graphix and Beyond ta gana e bid y despues ta bin resulta cu ta un otro compania Damox ta sera e licentieovereenkomst ta hopi cuestonabel.
Segun Otmar Oduber despues cu su compania Graphix and Beyond a gana e bid pa logo di Aruba, ATA a haci peticion na Graphix and Beyond pa lanta un otro compania cu yama Damox. Kiko ta resulta awor cu contrario na loke Otmar Oduber ta bisa ATA no a haci e peticion SINO ta Graphix and Beyond a haci e peticion pa Damox ta e compania cu ta representa e logo. E cos aki ta hopi fishy mes pasobra ningun momento Damox a participa na e destaho. E argumento cu Otmar Oduber ta uso no ta cuadra cu realidad y no ta uno logico. Esaki ta loke e carta dirigi na Otmar di ATA ta bisa:
" met toestemming van ATA is door de vertegenwoordigers (Otmar) van Graphix and Beyond uit praktische en administratieve overwegingen een aparte (nieuwe) rechtspersoon (Damox) speciaal opgericht die in plaats van van Graphix and Beyond uitsluitend belast zal zijn met bedoelde branding. Kiermen Graphix and Beyond di Otmar Oduber ta gana e bid y ta bira pasa esaki pa Damox di su intimo amigo ‘’uit praktische and administratieve overwegingen’’ anto bo kiermen esaki NO Ta KONKELMENTO! Na Aruba so e cosnan aki por pasa! Remarcabel ta cu Graphix and Beyond cu a gana e bid y Damox, esun cu tur derecho a wordo traspasa tin mesun adres. E ora e unico conclusion ta cu Graphix and Beyond ta Damox! 
Mi ta urgi tur hende, pasa door di tur e pruebanan presenta, pasa door di tur e documentonan, scucha Otmar Oduber y lesa su banda di medaya tambe y huzga pa bo mes y saca bo propio conclusion!Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...