Insinuacion den medionan di prensa encuanto Minister di Finansas y Minister di Salud publico no ta corecto. 

ORANJESTAD - Gobierno di Aruba a tuma nota di un publicacion cu a sali den medionan di comunicacion  e siman aki, insinuando cu Minister di Finansas y Organisacion gubernamental y Minister di Salud publico, Cuido di nos grandinan y Deporte lo ta para tras di e hecho cu mas investigacion lo ta necesario, prome cu debati den Parlamento di Aruba ariba e concepto di ley cu lo mester regula All Inclusive na Aruba.

Pa medio di e comunicado oficial aki, gobierno den su totalidad ta distancia di e contenido di dicho publicacion y ta confirma cu Conseho de Minister unanimamente ta sostene e concepto di ley presenta na Parlamento di Aruba.

Ademas di esaki Conseho di Minister tambe a aproba un procedura cu lo mester percura pa un revision completo di e 'Vergunning Verordening' cu ta regula permisonan pa hotel.

Expresionnan haci den e articulo aki no necesariamente ta refleha opinion di ArenaPoliti.co