Movimiento Electoral di Pueblo a wordo funda na February 9, 1971. Nos ta un partido politico cu ideologia Socialdemocrat cu aliadonan manera PvdA: Partij van de Arbeid, tambe nos ta miembro di SI: Socialista Internacional. Politica ta algo dinamico anto nos meta principal ta pa sirbi esnan biba na Aruba. Nos funfador efm Libertador Gilberto François "Betico" Croes semper a kere den esnan biba na Aruba. Nos ta Arubano; No esnan naci akinan so pero tur cu ta haci Aruba nan cas, cu ta traha pa bienestar di nan mes, nan famia y ta hiba economia di Aruba pa dilanti.

Aruba ta den su temponan menos bon actualmente desde cu partido AVP: Arubaanse Volks Partij ta na mando di 2009. Nan a wordo derota na 2001 ora cu nos digno pueblo a manda nan cas, nan a logra saca 6 asiento y MEP 12.
Desde 1971 MEP a lucha pa e deseo di e pueblo Arubano anto esey no lo cambia tampoco. E partido a conoce un gran lider den Sr. Nelson Orlando Oduber anto awo ta bao liderasgo di mr. Evelyne Wever Croes. Nos nunca a laga politiconan di afo manipula e destino di nos pueblo. Nos tin logronan cu ni na Hulanda partidonan politico no tin, manera e referendum na 1977. Prome den Reino Hulandes.

Partido AVP ta aliado cu CDA: Christian Democrat Appeal cu a perde eleccion na Hulanda na ana 2010 nan a perde mitar di nan asiento den parlamento (tweede kamer) asina mes nan a logra di 2010 pa 2012 sinta cu VVD. Actualmente nan ta den oposicion cu 13 asiento di 150. Nan lider fracasa Jan Peter Balkenende a retira na 2010. E politico aki ta alliado di MinPres Mike Eman hunto nan a crea e plan di BES eilanden y St.Maarten y Korsow autonomo den Reino. Mike Eman a hunga un rol neocolonista den tur esaki. Mirando awe cu Boneiro no ta contento cu nan status actual. Mi mester buta emphasis cu e MEGADEBE di Mike ta cu ayudo di Ex-Premiere Jan P Balkenende y tambe nos por a wak e meneer aki na Aruba varios biaha cu e aventura di Green Conference y figuranan dudoso\criminal cu nos MinPres actual. Ta obvio cu partido AVP a manipula hopi cu ayudo di CDA te na su derota awo nan ta den oposicion desde 2012.

AVP y Mike Eman directamente ta responsabel pa e 4 Biyon florin na debe nos ta bayendo pa 90% debt-to-ratio GDP y un deficit di 9.3% cu nos reservanan bahando te na 1052.5 di 1475.10 na 2009. Menos divisas lo conduci na devaluacion di nos florin. E maneho aki ta di AVP y Mike Eman e gritonan di Austeridad bai otro caminda cu ne pasobra e ta puro mentira y manipulacion di hechos. MEP a gobernna drechi cu crisis di 911 na 2001 tambe cu e desparacion di Natalee Holloway na 2005, y e crisis financiero na 2008. Asina mes nos a laga un debe di 40% di GDP y un average di 1.7% di deficit atras.

Conclusion no ta partido VVD pasobra MinPres Rutte ta goberna Hulanda laga e Hulandesnan aproba su maneho. St.Maarten cu Korsow tin nan lidernan politico. Ta na Aruba MinPres Mike Eman mester goberna drechi y stop di mete den politica interno di nos islanan ruman den Reino. Ta Mike Eman tin cu asumi su responsabilidad cu e desaster di su maneho consecuentemente e mester a accepta CFT pasobra e no ta capas di maneha financias publico. Fiesta e la haci desde di 2009 anto niun hende ta mas culpable cu ne. Refeneria cera y BBO a wordo kita anto a yena Gobierno cu 7000 hende. Hala di MOU firma cu ZERO FDI:Foreign Direct Investment. Aruba tin e debe di mas halto den Reino y den region di Caribe y e tin nomber y fam: MinPres Michiel Godfried Eman.

Expresionnan haci den e articulo aki no necesariamente ta refleha opinion di ArenaPoliti.co