Na hulandes tin un dicho ta bisa "nu komt de aap uit de mouw". Awor ta bira conosi e motibo real di e versoberingswet.

E ley di versobering ta stipula cu si un politico tin entrada adicional di trabou, e mester declara esaki pa asina su salario di minister of parlamentario wordo corta cu e otro entrada cu e tin.

E regla aki no ta conta pa esnan cu tin nan propio compania. Por ehempel Mike de Mesa tin MEMCO, Richard Visser tin Visser Holding, Juan David Yrausquin tin Yrausquin Motors. Nan tabata tin e sharesnan di e companianan ey na momento cu e versoberingswet a pasa, y pesey a hinca un excepcion den e versoberingswet, pa e no conta pa e big fish nan ey! Esnan cu tin shares den compania por sigi tene nan shares trankil, y cobra nan dividend trankil, y nada cu e versoberingswet ta strobe.

Mescos ta conta por ehempel pa un parlamentario cu ta huur apprtamento of ta huur su cas pa nan pone un speelschool den e cas. E parlamentario ey mag di haya miyones mes na huur, e versoberingswet no ta applicable riba nan.

E unico cu versoberingswet ta applicable riba dje ta Jeffrey Kelly cu ta toca den su tempo liber y ta gana balente placa cu esey. Pesey mes Jeffrey Kelly mester a core bai declara awor loke el'a bin ta sconde durante un anja largo, y pa colmo e informacion cu el'a duna no ta di confia. Un musico tocando den un banda asina popular, anto e ta bisa cu e ta gana 580 florin so pa luna, ningun ningun hende ta kere! Pero en todo caso, Jeffrey Kelly no ta gana mes hopi cu Richard Visser, Juan David Yrausquin y Mike de Mesa a gana di nan companianan durante cu e versoberingswet a pasa.