E promesa cu prome minister Mike Eman a hasi di elimina BBO den 2 fase lo bai persiguie resto di su bida. Esaki ta pasa ora cu e y tur integrante di AVP no tawatin ningun issue politico na 2009 y a dicidi pa gara tene na BBO demonisando e pa a caba cu e famia y ocasiona pobresa. Sigur e lo bai den historia como e ridicules di marca mayor! Awe nos ta 6 aña leu di 2009 y pueblo a sera conoci cu e cara real di AVP. Realidad ta cu den un periodo di menos cu 1 aña BBO/BAZV a wordo aumenta pa di 2 biaha! Di 1.5% pa 2.5% ( 1 december 2014) y diabierna ultimo atrobe na 3.5%! 

Pueblo no a haya nada! 
Contrario na e propaganda di AVP cu pueblo lo a wordo recompensa cu 1% pueblo mester reflexiona riba e hecho cu nunca e la haña nada significativo pasobra tur loke a pretende di duna a wordo kita bek! Ta importante pa subraya cu na inicio di gobernacion 2011 Gabinete Eman a aumenta prima di AZV cu 2 %. Sigui pa un aumento di BBO/BAZV cu 1% na 1 december 2014. Como sifuera ta poco diabierna ultimo AVP ta bolbe aumenta BAZV cu 1% hasiendo esaki 3.5%! Tecnicamente AVP no a regala pueblo nada! E la djis duna un parti di loke e mes a kita den transcurso di añanan! BBO a subi a na 3.5% door di mal maneho financiero di AVP esei ta un fact y Gabinete Eman mester biba cu e realidad!

Bo no tapa bo incapacidad! 
E ta un hecho cu e aumento di bbo/bazv ta demostra e incapacidad di un gobierno manera esun di AVP. Remarcabel ta cu e structura cu tanto a wordo tilda y critica ta e mesun cu ta wordo usa. Di berdad pisca ta muri pa su boca! Pero e incapacidad di AVP no ta solamente bisto cu esaki sino pa e hecho cu si antes tawatin solamente BBO awendia tin : bbo, bazv, exchange margin rate tax, djis aki financial transfer tax , ABB na caminda y un sin fin di cambionan den reforma fiscal na 2016. Ta di lamenta cu gritonan di elimina BBO a conberti nan mes den un tarifa di 3.5%! 
Pueblo no mester lubida un rato so cu tur esaki ta ocasiona pa un mal maneho financiero. Tristo di esaki ta cu awor AVP kier pa pueblo guli manda abou pero ta lubida cu e lo bai wordo condena den mal forma! 

Expresionnan haci den e articulo aki no necesariamente ta refleha opinion di ArenaPoliti.co