MIKE EMAN A DEMOSTRA UN BIAHA MAS CU E NO POR CU PRESION MAS!

ORANJESTAD  -- Ora bo sinta pensa kiko Mike Eman ta hasiendo den ultimo simannan bo ta realisa, cu ya e no ta trahando pa Aruba mas. Ariba custia y placa di pueblo, Mike Eman ta profilando su mes y trahando un nomber internacional pa su mes. Esaki pasobra Mike Eman tambe ta conciente cu su tempo den politica ta pasando y cu aki na Aruba casi ningun hende ta ker’e mas y cu dia e bai for di politica ta den exterior so e por bai traha, pasobra na Aruba mes su credibilidad ta ZERO. E por bai traha kizas den cualkier organisacion international cu por usa su fantasianan y papiamento bunita ariba plataforma mundial of regional. Kizas pa un Carbon War Room mes, of hasta Hulanda lo por dune un trabou como embahador di Reino un caminda.

Pasobra loke e mester papia di dje mes y cu ta importante pa tur pais e no ta papia ariba dje ora e ta profila den exterior. Dicon e no ta conta nan na Hulanda cu awe su mal maneho a conduci cu nos debe nacional a redobla? Y cu Aruba tin e mesun status cu Grecia pa loke ta nos situacion di debe y crisis financiero. Cu e desempleo ta halto, ensejansa den decadensia, cuido di salud malo, y un pobresa halto. Pa no papia di nivel di criminalidad mes. Tur dia tin turista ta wordo horta y atraca akinan y nada ta wordo hasi. En corto: con malo calidad di bida a bira desde cu Mike Eman ta den gobierno!

A bira tempo pa desenmascara Mike Eman internacionalmente tambe unda cu e bai, pasobra aki na Aruba ningun hende no ta ker’e mas. Na Hulanda. Na Nacionnan Uni. Na otro planeta mes si mester. Nos mester denuncia cu Aruba su minister presidente su cabes no ta mucho bon. Cu en bes di atende cu e menasa di aumento di BBO, e ta core subi avión pa mas di dos siman, gastando alrededor di 50 mil florin pa dia hunto cu henter su delegación, incluyendo su miembro di prensa, anto laga Aruba pa su cuenta. Ta kiko nos tin na un hende asina? Net net nada!

Expresionnan haci den e articulo aki no necesariamente ta refleha opinion di ArenaPoliti.co