Tur aña Departamento di Impuesto ta distribui e formularionan di inkomstenbelasting pa tur cuidadano pagador di belasting por yena esaki y entrege. Unbes e aangifte a wordo ricibi ta e deber di nos como cuidadano pa yene y entrege na tempo. E biaha aki e fecha di otorgamento oficial ta 1 oktober 2015 esaki kiermeen cu e cuidadano tin 2 luna pa entrege (prome cu 1 december 2015). Si encaso bo no logra pa colecta tur documento necesario of pa cualkier otro motibo no a logra pa yene y cumpli cu e entrega den e termino stipula e pagador di belasting tin e oportunidad ainda pa pidi un "1e uitstel". Tene na cuenta cu esaki tambe mester sosode promer cu 1 december 2015.

Recomendabel ta pa e cuidadano cumpli na tempo pa asina evita cualkier tipo di sancion (boet) innecesario ora ta trata di belasting. En conexion cu esaki manera custumber di tur aña partido Movimiento Electoral di Pueblo lo ta brindando asistencia na cada cuidadano cu mester yena su aangifte inkomstenbelasting 2014. Den e dianan cu ta bini e tax team di partido MEP lidera pa sra. Evelyn Wever-Croes lo inicia cu e asistencia pa e yenamento di aangifte inkomstenbelasting 2014 pa pueblo di Aruba completo. Esaki lo tuma lugar na nos Sede na Sta cruz y continua durante dianan den siman. Den e dianan cu ta transcuri lo bai anuncia den medionan di prensa e schedule. Pa nos por asistibo mihor e siguiente documentonan basico ta necesario entre otro loonopgaaf 2014, "interestbrieven" di banco of otro instituto financiero, comprobante di seguro di bida pero tambe declaracion di gastonan paga en conexion cu gastonan di estudio superior dibo jiunan.

Pa termina mi kier a enfatisa cu cumplimento cu belasting ta hopi importante y den cuadro di esaki nos kier yuda pa asina tur cuidadano por logra entrega nan formulario di aña 2014 na tempo.

Expresionnan haci den e articulo aki no necesariamente ta refleha opinion di ArenaPoliti.co