Algun siman atras ministro di Finanzas sr. Angel Bermudez a anuncia cu nan ta pensando di introduci un cambio den e forma cu nan ta cobra  ‘nummerplaatbelasting’ esta belasting di number di auto. Aparentemente nan lo ta evaluando varios alternativa pero e alternativa cu gobierno Mike Eman kier entroduci  ta  pa cobra e ‘belasting di number’ den e gasoline/diesel cu un chauffeur ta pone den e auto pa e core.  Esaki ta ensera cu ki ora   gasoline/diesel worde cumpra lo tin un porcentaje  ‘extra’  cual ta worde cobra den e prijs di gasoline/diesel.  E  Sistema aki ta trece cunele cu esnan cu ta core pa paga nan belasting di number lo  hanja nan mes ta paga na momento cu nan paga pa e gasoline/diesel. Sinembargo e systema nobo aki lo tin algo cruel cunele esta cu mas un chauffeur core mas e lo paga pa e  belasting di number cual  den practico pues ta  sali mucho mas cu e ta custumbra di paga.  E ta trece cunele tambe cu mas leeuw un chauffeur ta biba for di su trabao mas e lo paga  pa e  nummerplaatbelasting aki.

Den practica aki na Aruba  esaki ta nifica cu  esnan cu ta biba  pariba di brug (Pos Chikito, Savaneta, San Nicolas)  lo paga mucho mas den futuro na belasting di number y esnan cu ta biba cerca di nan trabao lo paga mucho menos. Naturalmente si un chauffeur ta ‘trip’ mucho mas cu un otro ….esaki ta nifica cu e ta paga mucho mas na e Sistema di number nobo cu gabinete Mike Eman kier entroduci y tur esaki pasobra nan AVP a hinca nos pueblo den un crisis financiero  hopi grandi.

Ja kaba a Sali na cla cu otro anja gobierno lo no tin  ‘number di auto’ nobo pa anja 2016, esaki simpelmente pasobra gobierno a dicidi di  no bestel  e number di auto mas. Esaki ta mishi tambe cu e orgullo di kada  chauffeur/donjo di auto. Nos tur sa cu nos pueblo ta orguyoso di nan number di auto y mas chikito e number ta mas ….interesante e ta pa tin esaki riba bo auto. Den futuro esaki lo bai termina y lo no tin un number riba auto mas…manera tur cos ta indica. Kizas esaki lo por worde reemplaza pa un ‘sticker’ pero con esaki lo funciona dentro di e cobra via di gasoline/diesel ta keda un pregunta.

Entodo caso aki gobierno di Mike Eman (AVP) a bolbe kana dilanti sin tene cuenta cu e tradiccion di pueblo sin tene cuenta cu e orgullo di pueblo y sin tene cuenta cu e pueblo mas humilde cu ta biba p’ariba di brug y ta traha na Oranjestad y Noord grandemente den e sector di Turismo lo worde sacrifica den e Sistema nobo aki atrobe……..y sin pone esaki asera cu e Sistema di parkeer cu gobierno a kaba di introduci tur esaki ta indica un gobierno cu un vision masha cruel pa su ciudadania….contal nan paga e prijs pa e pato cu pueblo  no a mata.

PPA ta keda di opinion cu tur esaki ta parti di un maneho cruel, un maneho anti social, un maneho cu NO ta tene cuenta cu e pueblo  mas humilde  y simpelmente kier hinca man den saco di pueblo  cruelmente. Pa colmo ta intencion di gabinete Mike Eman pa aumenta e tarifa di transporte publico pa pueblo otro anja tambe ,…. Pa no papia mes di un aumento di BBO cu tambe ta na caminda y ta pensando riba entre 6 pa 7 %  …..ta unda nos ta bai ??  

Aruba, 17 di oktober 2015                                      Lider Politico di PPA

                                                                                    BENNY NISBET

Expresionnan haci den e articulo aki no necesariamente ta refleha opinion di ArenaPoliti.co