E hecho cu CAFT por duna un declaracion for di Corsow cu e cifranan di presupuesto 2016 lo NO ta realistico y duna 5 conseho/ordo cu gabinete Mike Eman y Staten lo mester ejecuta ….y tur esaki na 2015 ta un tristeza di otro mundo.

Si miembro di gabinete Mike Eman y fraccion di AVP a enganja nos pueblo cu e ‘Landsverordening’ unda e autonomia/status aparte lo no a worde entrega bek na Hulanda…..y cu boca grandi a vota PRO pa despues manda polis riba e pueblo cu tabata protestando………awor e ‘berdad’ a bati na porta !!

Pueblo a duna AVP un mandato 13 asiento pa goberna pais Aruba na September 2013 pero a consecuencia di e ‘Landsverordening’ cu a pasa staten pa duna Hulanda tur poder di mundo, gobierno di Aruba y Staten no tin nada di bisa….entodo caso awor tin un otro instancia situa na Corsow cu jama CAFT cu ta ‘call the shots’ ….nan tin e ultimo palabra…..no gobierno di Aruba menos Staten di Aruba.

Hopi tristo pa un pais manera Aruba cu a lucha pa bira ‘baas den nos mesun cas’ na 1954 Aruba a logra su autonomia pa goberna su mes p/m di nos Eilandenregeling cu un Bestuurscollege y Eilandsraad y na 1986 Aruba a logra riba caminda pa su independencia un status aparte pa diez anja, cual despues a word cambia pa un status aparte definitive(te ora pueblo di Aruba dicidi otro) gracias na Gabinete Oduber forma pa MEP/PPA y ADN.

Pero despues di apenas 29 anja di nos Status Aparte a consecuencia di un maneho financiero fatal ejecuta pa x Ministro di Finanzas Mike de Meza alias Mike the Mess nan a causa un crisis financiero asina grandi cu Hulanda a pone Aruba/gobierno Mike Eman contra muraya y a presenta un Ley/Landsverordening unda e poder autonomo di Aruba a worde entrega pa na Hulanda. 13 miembro di parlamento a dicidi di vota PRO…..dunando hulanda pa medio di CAFT situa na Corsow TUR poder pa nan tin e ultimo palabra.

Pa colmo no solamente Hulanda tin tur poder p/m di CAFT situa na Corsow pero Hulanda a forza gabinete Mike Eman pa nombra mr. Angel Bermudez como ministro. E decision aki NO a pasa den partijraad ni directiva di AVP……e ta un decision forza door di Hulanda riba conseho di Ministro di Aruba cu a consecuencia cu mr. Angel Bermudeza ta ejecuta deseo hulandes envez di sirbi interes arubiano. Locual si e ta hasi ta duna algun declaracion como sifuera pero na final e ta bailia segun exigencia hulandes. Ki tristo ….cu henter un pueblo por sinta y permiti e wega aki pa tuma lugar. Ta trata MEDIDA riba lombra di pueblo cu ta pone cu nos pueblo di Aruba su ‘forza di compra’ y ‘su nivel di bida’ ta keda baha y baha……pero tur hende ta guli manda abao cu e burdugonan cu a causa e desaster aki ….ta keda den gobierno y ta ejecuto MEDIDA tras di MEDIDA y pueblo no por biba mas manera debe ser. Te ki momento……pueblo di aruba ta sigui tuma e traicion aki ??

Aruba, 16 di November 2015                                   Lider Politico di PPA

Expresionnan haci den e articulo aki no necesariamente ta refleha opinion di ArenaPoliti.co