Segun Parlamentario mr. Juan Ady Thijsen Ministro Hulandes Ronald Plasterk pa Asuntonan di Reino ta papia hopi pero ora yega puntje bij paaltje no ta respeta organonan mas halto di Reino Hulandes. Ta asina ki cu tin un opinion comun den tur parlamentonan den Reino Hulandes cu e Geschillenregeling mester ta base riba un organo cu autoridad di decicion obligatorio. Pa cuminsa Minister Plasterk mester a ehecuta un amienda presenta pa MEP na 2010 den parlamento Hulandes y acepta tambe pa e parlamento Hulandes. Fuera di esey varios reunion di IPKO a reconfirma e desicion aki pa un Geschillenregeling obligatorio. Hasta na Aruba tur Fraccion den parlamento di Aruba ta di acuerdo cu esaki. Sinembargo segun Parlamentario mr. Juan Ady Thijsen Ministro Hulandes Ronald Plasterk pa Asuntonan di Reino ta hunga tactica di tardanza y tambe kier pusha un Geschillenregeling base riba consulta. Plasterk kier duna e organo nobo di e Geschillenregeling un tarea pa "zwaarwegende advies". Esaki sigur no por yacu advies ta keda advies. Nos por a wak esaki caba cu e dooie mus aki tanto den e caso di Corte di prome instancia di Aruba y tambe den e conseho relaciona cu e KB di Mike Eman. Gobierno Hulandes ta pensa riba e Raad van State como organo pa e Geschillenregeling mientras e pensamento di e diferente parlamentonan ta bai den direccion di e Hoge Raad. Ta keda e interogatorio dicon Hulanda por ta contra e organo hudicial mas halto di Reino Hulandes cu ya tin tur infrastructura pa cumpli cu e tarea di ta tambe un organo hudicial pa conflictonan di paisnan den Reino Hulandes? Faltando respet na parlamentonan den Reino Hulandes, Ministro Ronald Plasterk ta mustra un biaha mas su incapasidad y irresponsabilidad y pesey e mester bai cas mas pronto cu ta possible.Ta keda na parlamento di Hulanda pa haci esaki ya cu e ta faltando respet na e parlamento Hulandes tambe.

Expresionnan haci den e articulo aki no necesariamente ta refleha opinion di ArenaPoliti.co