Andin Bikker, den conferencia di prensa, Diamars a bisa cu e gobierno aki ta gusta core tras di debchi anto perde florin den e proceso.

Biker a splica cu gobierno a introduci e sistema di parkeer meters y por constata cu e gremio comercial a yega na porta di gobierno bisa e minister pa bise cu nan ta perdiendo di  30 pa 50% di entrada, e ultimo lunanan aki, netamente door di introduccion di parkeer meters.

Gobierno ta gana un florin pa cada mey ora cu bo ta tira un florin den e machine di e skina ey, y e comerciante ta perde entre 30 pa 50% di benta, y alavez gobierno ta perde entrada na BBO, BAZV, Loonbelasting ora comercio ta kita hende foi trabao, ademas ta perde Winstbelasting. Djis pa gana un florin pa mey ora ta perde miyones di otro banda.

Bikker a bisa cu e gobierno aki ta tipifica cu e monton di impuesto chikito cu a bin cune entre otro riba huurmento di auto, bromer, etc. Cu esaki gobierno a haya apenas 1.3 miyon y esaki a crea un proceso administrativo dobel cu yenamento di otro papel cu tin cu entrega na belasting cada 15 di luna y nan ta lubida ta haya aanslag.

Segun Bikke cu hasta e por menciona otro belasting innecesario cu ta e koerswinstmargin, caminda cada bez cu cambia dollar of otro baluta na banco bo mester paga  pa gobierno haya un pida di dje.

Di otro banda Centrale Bank a bisa cu e mester haya mas entrada pa ehecuta tur e tareanan cu gobierno a pone riba nan pero awor ta resulta cu den su presupuesto supletorio gobierno a haya cu Centrale Bank a gana 2.3 miyon di mas y nan kier e entrada aki, y Bikker ta puntra su mes pakico si Centrale Bank tin placa di mas gobierno a bin cu e Koerstwnstmargin aki?

Bikker ta bolbe bisa cu gobierno ta core tras di debchi pa perde florin, y e asunto di parkeer meters aki tin pueblo indigna y comercio ta reclama cu nan tin perdida di ganashi pa e motibo aki. El a splica cu e comerciantenan no ta haci ganashi na granel pasobra esaki ta bin pa temporada y net ora nan ta perde di 30 pa 50% di nan ganashi nan ta perde e pakico nan a lanta e negoshi, pa gana den cierto temporada. Segun PDR e comerciantenan afecta a traha un aña por nada y esey no tur hende ta compronde y menos e ministernan cu e ta kere nan no a traha suficiente den sector priva. Na su opinion e hecho cu prome minister a bin duna algun dia off riba pago di parkeer ta pasobra el a admiti cu esaki no ta bon pensa ni bon ehecuta y cu sigur pueblo mes ta yame pa reclama cu el a bin cu algo cu no ta funcionando.

Expresionnan haci den e articulo aki no necesariamente ta refleha opinion di ArenaPoliti.co