Pa garantisa e pensioen di ambtenaren pa futuro, a acopla e edad di bay cu pensioen na esun di AOV, esta di 60 pa 65 aña y tambe a condiciona e ‘indexering’ di pensioen na crecemento economico.

E mandatario ta splica cu gobierno su contribucion ta un deposito di 170 miyon florin den e fondo di pensioen Algemeen Pensioenfonds Aruba (APFA), pa asina pone e asina yama ‘beleggingsgraad’ bek na 100%. Como consecuencia den un futuro cercano, e obligacion di pago di pensioen ta keda cubri cu e rendimento di e fondo. Te cu awor gobierno tabata tin un garantia legal pa cubri deficitnan di AFPA, di cual e deficit a monta na 550 miyon, aunke cu esaki a baha durante e ultimo añanan.

Cu e reforma aki cual ta exigi sacrificio di tur esunnan envolvi, gobierno a sigura e pensionnan actual y tambe pa esunnan cu ta bay cu pensioen den futuro cercano. Segun Minister di Finanzas, e maneho aki ta necesario mirando e gastonan di pensioen pa gobierno combina cu e ‘vergrijzing’ mundial, mientras cu APFA ta haya un inyeccion multimiyonario pa cubri e consecuencianan di e crisis economico mundial.

Expresionnan haci den e articulo aki no necesariamente ta refleha opinion di ArenaPoliti.co