STA. CRUZ – Ultimo tempo ta Ministernan di Gabinete Mike Eman ta hasi nan mes culpabel na un escandalo tras di otro. Parlamento no a ni atende ainda cu e escandalonan rond di minister Sievinger y e fiesta cu tereno, y awor tin otro escandalo cu tereno pa minister Otmar Oduber.
Locual cu Otmar Oduber a hasi ta malo, pa varios motibo. Pa cuminsa, un minister no ta suppose di pidi tereno mes, esey ta contra nos leynan, y reglanan di bon gobernacion, especialmente regalan di integridad. Na di dos lugar, e ta inmoral pasobra hustamente e gobierno aki ta kita cantidad di tereno di hendenan cu kier planta of cria bestia, pero awor ta “fix” tereno pa nan mes, y den un dia. Nos ta exigi di minister Otmar Oduber cu e ta retira su peticion pa tereno, na Minister Sievinger pa nenga e peticion y na minister Dowers pa investiga e corrupción aki, pasobra nos tin entendí cu tin mas minister y parlamentario di AVP cu a haya tereno di gobierno durante e gobierno aki.

MR REAL ESTATE Y MRS REAL ESTATE
Tempo di gobierno di MEP tabata hustamente Benny Sievinger, Otmar Oduber y Mike Eman tabata insulta e ex minister di infrastructura, sra. Marisol Lopez-Tromp pa delaster un cos: Mrs. Real Estate, Brug di madushi y hopi mas. Pero awor Benny Sievinger mes a para bira e MR Real Estate, lagandO Mrs. Real estate chikito. Mi ta puntra mi mes si e reglanan estricto cu Hulanda ta aplica pa Sint Maarten y Curacao, ta cuanto di e 9 ministernan nos lo tin awor. Pasobra den e reglanan estricto hamas nan lo a wordo acepta. Djis pa duna algun ehempel:
Un persona cu a fia 2 miyon florin for di Interbank, sin mester paga interes, y nunca a paga esaki bek; den cual te hasta e banco a coopera cu ne pa no manda su negoshi bancarota, djis pa e no perde eleccion, abo ta kere cu e por a bira minister?
Un persona cu tabata envolvi den escandalo miyonario cu a haya placa bou mesa pa ‘fix papel’, abo ta kere cu e por a bira minister?
Un persona cu a horta coriente, y a wordo sentencia pa esaki, bo ta kere cu e por a bira minister?
Un persona cu ta fix su mes un deal di kwijtschedling di belasting, hamas por bira minister na Hulanda. Y asina tin mucho mas.

MEP TIN E SOLUCION PA UN GOBIERNO INTEGRO
Pesey nos di MEP ta propone pa bin reglanan estricto pa loke ta trata screening di ministernan, y pa regla esakinan den ley formal, ‘landsverordening’. Tambe reglanan pa loke ta trata financiamento di partidonan politico, pa evita tanto faboresemento na financiadornan di campanja di AVP.  Y sigur mester un ministerio publico cu tin curashi pa investiga e gobernantenan corupto aki. Ta solamente asina nos por garantisa cu nunca mas ripiti cu hendenan cu reputacion dudoso manera esunnan na mando awor por drenta gobierno”, líder di MEP Evelyn Wever-Croes a duna di conoce.

Expresionnan haci den e articulo aki no necesariamente ta refleha opinion di ArenaPoliti.co