Comision Pro Siguridad y Contra di Criminalidad a tene un conferencia di prensa relaciona cu e ‘Marcha Nacional pa Siguridad’ cu lo tuma luga 29 di september 2016.

Tres miembro di e comision a hiba palabra. Miembro di comision sr. René Bernabela a expresa cu como sindicato y gremio comercial e miembronan di e comision a sinti nan mes yama pa uni y manda un señal di preocupacion na Gobierno pa loke ta trata siguridad na Aruba. Segun sr. Bernabela, Gobierno mester duna un contesta riba e situacion alarmante di criminalidad y specialmente riba siguridad.

E comision ta invita tur habitante y organisacionnan den comunidad pa participa na e ‘Marcha Nacional pa Siguridad’ y asina expresa preocupacion na e mandatarionan envolvi.

Segun e comision, pa loke ta trata criminalidad na Aruba “no ta 5 pa 12 pero ta 12’or caba.”
Klik play pa scucha e miembronan di Comision Pro Siguridad y Contra di Criminalidad. 

Expresionnan haci den e articulo aki no necesariamente ta refleha opinion di ArenaPoliti.co