Partido MEP ta exigi gobierno di Aruba pa laga su postura anti-pueblo trahador un banda y finalmente kies pa sigura cu nos trahadornan nan derechonan wordo bon salvaguardia den e traspaso di e trahadornan di Valero pa CITGO y Refineria di Aruba N.V.. MEP ta exigi di Gabinete Mike Eman pa no sigi crucifica e pueblo trahador manera e Gobierno di AVP a hacie cu e ex trahadornan di Westin unda AVP a tuma parti pa Riu Hotels como donjo nobo, pa no condena e trahadornan manera cu Gabinete Mike Eman a haci cu e ex trahadornan di aura casino.

Nos trahadornan mester ta na prome lugar. Pa nan nos a lucha pa habri e refineria bek. Trahadornan local y contratistanan local na promer lugar semper.

Ta pa nos pueblo trahador y nos contratistanan local cu lo para bek riba pia nos a lucha den Accion Ora Cero pa e refineria habri bek.

E problema grandi cu nos tin na Aruba cu e Gobierno di AVP ta anti trahador anti pueblo y anti contratistanan local. Pero MEP no ta sinta man crusa laga AVP condena nos digno pueblo cu su maltrato y malmaneho perhudicando henter e porvenir y futuro di nos pais. MEP ta drenta den accion.

Expresionnan haci den e articulo aki no necesariamente ta refleha opinion di ArenaPoliti.co