E ex-trahadornan di Valero cu ainda ta traha den waf di Valero y den distribucion di gasolin, kerosin, diesel etc, no tin motibo pa preocupa pa nan posicion, salario y beneficionan cu paso pa e compania nobo. Door di e ley cu e majoria di AVP den Parlamento a aproba tres aña pasa, nan posicion, salario y beneficionan ta sigura. Specialmente e trahadornan cu ta traha den e seccion di distribucion di productonan di e refineria, ta mas cu sigur, pasobra ta Gobierno di Aruba ta asumi responsabilidad pa nan sigui haya nan salario y beneficionan, te ora cu e compania nobo, "REFINERIA DI ARUBA " ta oficialmente lanta y institui. Gobierno a laga sa caba y a pone den e contract cu nan doño di trabou bieuw (Valero), cu gobierno ta asumi responsabilidad completo pa e trahadornan aki. Kier men cu e trahadornan no ta keda niun dia den inseguridad pa loke ta nan salario y beneficionan. Tambe den e caso aki e cambio den e ley di labor cu AVP a aproba tres aña pasa ta sigura esey.

PREOCUPAICON
Pa motibo di preoucpacion bou trahadornan cu a surgi, Parlamento a reuni diabierna merdia cu sindicato IOWA. E representante di trahadornan a splica nan preocupacionnan. E diferente fraccionnan presente a duna diferente conseho na e trahadornan. Fraccion di AVP a splica e sindicalistanan cu e ley di labor manera AVP a cambi'e na 2013, ta proteha e trahadornan ora e compania pasa pa otro doño di trabou. Esey ta e caso awor y ley ta aplicabel pa tur e trahadornan. Fraccion di AVP a conseha IOWA pa busca e ley y consulta cu nan abogado, pa e splica nan nan derecho y responsabilidadnan bon. Pero tambe e fraccion di AVP a conseha IOWA pa no laga niun partido politico purba influencia nan y duna nan conseho pa tuma niun accion. Esey lo ta malo pa nan y pa Aruba, pasobra nan trabou y nan beneficionan ta protehi!

Expresionnan haci den e articulo aki no necesariamente ta refleha opinion di ArenaPoliti.co