M.E.P a pidi Parlamentario Marlon Sneek ta cumpli: 
Un biaha mas ta gara Evelyn Wever Croes ta manipua cu informacion !. 

Siman pasa nos por a lesa un articulo, cu un tono basta insultativo, entre otro a purba yama mi pa ignorante, esaki nos ta custuma cune caba for di e partido Mal Ehempel pa Pueblo M.E.P y su lider Evelyne Wever Croes. Loke ta di lamenta ta cu e lider aki no tin suficiente curashi, pa skibi e articulo bou titulo personal, pero un biaha mas ta scondi tras di M.E.P. Damas y cabayeros mi mester bisa cu den e aña nan cu mi tin den parlamento mi a Siña masha hopi mes di finansas publico, ami no ta esun cu tin un titulo den finanzas, manera Evelyne y ta usa e conosemento aki, pa manipula y mal informa pueblo. Ta parse cu sra Evelyne Wever Croes a lubida e ley cu Parlamento di Aruba, a pasa dia 27 di augustus 2015, dia cu el a instiga y mal informa su siguidornan  y pone nan kibra parlamento di Aruba y di e forma ey, pone e fecha di 27 di augustus 2015 pertenece den e paginanan scur di nos historia, 27 di augustus 2015 ta e dia cu Parlamento di Aruba a atende e ley caminda gobierno di Aruba a stipula en deficit presupuestario pa e siguiente 4 aña nan, pa aña 2015 e mester ta 3.7%, pa aña 2016 e mester ta  2.0%, pa aña 2017 e mester ta 0.5% y pa aña 2018 un balanced budget cu un sero plus di 0.5%. Mester bisa cu aña 2015 a resulta den 2 % na lugar di 3.7%. Esey ta e unico norma cu ta existi pa loke ta nos presupuesto. Tambe nos por a tende ta papia di gasto an di viahe, wel mester bisa cu utimo gabinete di Mal Ehempel pa Pueblo M.E.P tabata gasta no menos cu 2.8 miyon na viahe en comparacion cu gabinete Mike Eman, cu a bin ta baha gasto y na 2017 tin 1.7 miyon como gasto di viahe  cu ta 1.1 miyon menos cu M.E.P. Den e mes un articulo aki sra Evelyne Wever Croes ta bisa cu debe di país tras 6 biyon y un rato despues ta bisa cu ta 4 biyon e mes ta contradiciendo su mes ki hilaridad.

Entodo caso mi kier a recomende pa “als nog” bay lesa e ley di LAFT pagina 9, capítulo 4, Articulo 14 inciso 2 eynan e lo por haña e norma nan vigente pa cu presupuesto di pais Aruba. Tambe el a pura di bruha tera cu asunto di coordinador y nos a mustra bon cla cu e 9 ministerionan di A.V.P ta gastando 10 miyon menos cu e 7 nan di M.E.P porta Evelyne por aplica esey con bin si supuestamente nan lo tabata tin menos hende rara rara

Un biaha mas nos ta wak cu e custumber di Mal Ehempel pa Pueblo M.E.P no ta kita, nan ta keda ariba e caminda negativo y di mal informa pueblo. Manera mi a bisa caba un par di biaha “Aruba Merece un Mihor Oposicion”!!!

Expresionnan haci den e articulo aki no necesariamente ta refleha opinion di ArenaPoliti.co