Durante e reunionan cu ta tumando luga den Parlamento relaciona cu e aprobacion di presupuesto di pais Aruba pa aña 2017 por conclui cu na fin di aña 2009 Gabinete Mike Eman I a absorba tur e sla relaciona cu e situacion financiero cu a dal pais Aruba na 2009, relaciona cu e crisisnan mundial economico den añanan 2009, e shut down di Valero y mas cu  tur e mal gobernacion di 8 aña di MEP. Economia di pais Aruba na e momento ey a cai cu alrededor di 15%. Ora Gabinete Mike Eman I a asumi responsabilidad na fin di aña 2009 a haya un presupuesta di pais Aruba cu un deficiet di Afl 135 miljon. A haya un gobierno cu debe so sin plaka pa traha cune. Gabinete Mike Eman I mester a crea espacionan pa tene e poder di compra ariba un nivel aceptabel pa nos hende nan. A bai inverti den pais Aruba cu diferente projectonan na luga di dal porta sera of bin cu diferente medidanan manera cu ta e custumber di partido MEP. Cu esaki a logra minimalisa e problemanan social bahando nos desempleo di ariba di 12% pa alrededor di 7% te cu fin aňa 2015, y cu e re-apertura di CITGO nos lo jega un desempleo di 5% pa 2017.

E golpi grandi cu sigur pueblo a sinti ta e inflacion den consume (poder di compra). Den e periodo di MEP di 2001 pa 2009 pais Aruba a conose un inflacion di 30.4%, of mas miho bisa cu costo di bida a aumenta cu 30.4%. Pa locual ta e parti di gobernacion di Mike Eman I y II di 2010-2016 por ser bisa cu costo di bida a subi den 7 aña cu apenas 4.3%.

Fondo extra a wordo crea cambiando e maneho den e sector di turismo. Tabatin un decadencia den turismo durante e gobernacion di MEP caminda den e ultimo añanan di na gobernacion pa 5 aña largo turismo den nos merkado principal – Merka  - a cai te cu 65%. Di 2008 pa 2009 so e entradanan general pa e sector di turismo a cai cu Afl.230 miljon of cu 9.5% den un solo aňa. Gabinete Mike Eman I y II a logra hisa esaki bek di aña 2010 pa 2015 cu 34.9% te na un suma total di 2.94 biljon na fin di aña 2015.

Pa alcansa un finansas publicas sostenible mester percura prome pa controla e gastonan di gobierno, reduciendo esakinan na nivelnan asepetabel. A base di e acuerdo socialnan jega entre gobierno y gremionan cu ta representa trahadornan y empleadonan a saña e fondonan di APFA, SVB y AZV, percurando pa e contribucion di gobierno a bira minimal pa locual ta e fondo di AZV so. E fondonan di APFA y SVB nan a keda cu un dekkingsgraad di ariba di 100%.

Sra Presidente a crea stabilidad y confiansa bek invertiendo grandimente den construcion y infrastructura pa locual ta edificionnan, camindanan y renobacion di diferente barionan.

Nos por a mira abusonan grandi haci durante e gobernacion di e 8 aña di MEP, caminda cu nan a haya alrededor di 3 biljon florin y no a percura pa hinka gran parti di esaki bek den nos economía.

Expresionnan haci den e articulo aki no necesariamente ta refleha opinion di ArenaPoliti.co