Ki calidad di mundo y ki calidad di isla nos actual generacion lo kier larga atras pa asina generacionan cu sigui nos lo por tin minimalmente e mesun calidad di bida cu nos a conoce ?

Esaki ta un pregunta cu scientificonan a pone dilanti di paisnan principalmente paisnan desaroya cu ta hasi hopi uso di ‘fosile fuels/crudo’ y ta manda un cantidad enorme di CO2 den atmosfera . Antes e saber di humanidad di e consecuencia di nan ‘carbon footprint’ no tabata dje hopi ey….pa varios decada sinembargo esaki a bira mas conoci door di e progreso y desaroyo di ciencia den mundo. Awe ta un hecho cu kada ser humano, kada negoshi, kada pais tin su ‘carbon footprint’. Pa e ultimo decadanan esaki a causa un discussion enorme entre primaramente scientificonan pero tambe paisnan cu ta ‘actornan’ principal den manda cantidad enorme di CO2 den atmosfera cu consecuencianan ‘dramatico’ pa humanidad den futuro. Esaki a conduci cu a tene varios conferencia den curso di tempo esnan mas conoci tabata e.o. e conferencia na kopenhagen, e conferencia na Tokio, Japon, e conferencia ultimo na Paris, Francia unda porfin a jega na un acuerdo acceptable…..pero tur cos ta keda den man di e ‘buena fe’ di e 195 pais especial esnan cu economia supergrandi cu ta kima e.o. hopi crudo y/of cole…mandando hopi CO2 den atmosfera cu consecuencia dramatico pa humanidad.

Aruba como isla tambe a conoce e epoca cu nos tabata un isla/pais sushador…esta cu nos a manda hopi CO2 den atmosfera …esta e periodo di nos refineria y e periodo cu e ‘issue’ aki no tabata conoci pa nos gobernacionan local cu por a papia di controla….pa colmo te awe Aruba no tin leynan moderno riba e tereno di medio ambiente. Y pa colmo e acuerdo recien firma cu Citgo/Pdvsa ta ensera cu ningun ley nobo no por hinca Citgo financieramente/economicamente den un situacion otro cu e ta awe….!! Un situacion hopi serio cu un Aruba na 2016 cu a kaba di asisti na e Conferencia na Paris, Francia y lo mester ta bon na altura di e ultimo desaroyo riba e tereno di medio ambiente versus e tereno economico den mundo. Y e preguntanan clave cu ta worde hasi na kada pais na unda ta manda e CO2 den atmosfera y e disciplina cu ta worde spera di kada pais participante na e conferencia di Paris, Francia.

Pesey PPA como probablemente e ‘unico’ partido politico cu a cuestiona e acuerdo cu a jega na djele cu Citgo/Pdvsa seriamente. Con un Isla cu ta depende pa 90 % di turismo por tuma un decision no pa habri un refineria pero pa transforma esaki den un upgrader ?? Esaki ta ensera cu Aruba lo tuma e ‘lodo/tar’ cu tur su problemanan y mal imagen mundial for di Venezuela y pone e ‘stempel’ aki riba e isla bunita di Aruba cu ta depende di turismo pa su porvenir !

Ora cu 195 pais na Paris, Francia a logra un acuerdo por fin riba con pa frena ‘climate change’ varios di e ejecutivonan a expresa e sigiente frase y PPA ta cita esaki: “’ Whether or not this becomes a true turning point for the World though, depends critically on how seriously countries follow through’, wel kada kende por huzga con Aruba ta tene su mes na e acuerdo aki ?

Envez cu Aruba ultimo anja a bira un isla cu ta ejecuta un ‘green’ policy, Aruba a tuma varios nos ta ripiti varios paso atras permitiendo pa tuma un ‘upgrader’ pa e proximo 15 kizas 25 anja. Upgrader’s tin sumamente mal nomber den mundo….esaki pa locual e ta manda den atmosfera…varios vez mas CO2 cu un refineria normal. Cu otro palabra Aruba ta bai cambia bek den un pais responsabel pa crisis mundial cu CO2 ta causa cu lo por ta peor cu un ‘guera mundial’ ta causa a su debido tempo. Fuera di esaki e upgrader ta larga atras mucho mas ‘pet coke y sulfur’ cu hopi consecuencia pa tanto trahador como pueblo. No ta por nada cu ta jama Alberta, Canada un ‘Cancer Alley’ y cu na e pueblo cu ta biba alrededor di Orinoco, Venezuela ta sufri di hopi problema ‘respiratorio etc’. Kiko esaki ta nifica pa e pueblo di San Nicolas cu ta biba na rand di e futuro upgrader ??? Ta hopi remarkable cu e preucupacion aki no a bin dilanti durante tratamento di e ‘deal’ cu CITGO/Pdvsa den parlamento.

Na otro banda gobierno ta accentua solamente posibel beneficio….. empleo pa hopi trajador….no ta conta cu esaki lo ta pa gran majoria trahador cu lo worde importa…… salario……no ta conta pueblo cu ora paga e trajador aki salario minimo di nos of un poco mas cu esaki lo ta un gran salario pa e trahador importa pero no un gran salario pa e arubiano digno cu kier worde recompansa dignamente pa su labor.

Kiko ta e actual maneho di Medio Ambiente ..?

Problema enorme rond di e dump na Parkietenbos !! Problemanan cu deramento di ‘asbest’ na rand di e pueblo di Lago Heights….! E hecho cu por a construi un parke Molina di biento sin tene cuenta cu salud di pueblo y a hera construi un di dos den cercania di pueblo. E ultimo aki a causa basta consecuencia pa pueblo di Aruba. E hecho cu a construi un Carnaval Village riba e tereno unda a worde senjala pa rapport di experto hulandes den pasado cu tin mas contaminacion bao di djele ….sin un estudio nobo y sin tene cuenta cu salud di pueblo.

Pa colmo Aruba no tin leynan moderno riba tereno di medio ambiente. Pa colmo …ken ta ministro encarga cu Medio Ambiente….. ningun otro hende menos cu sr Mike de Meza alias THE MESS, responsabel pa e crisis financiero, debe nacional, lista di medida, hedging, acuerdo cu majoria ganashi di Lotto ta bai Canada….y cierto momento …..lo kier a sera dump di parkietenbos….na januari (?)…. Lo entrega e sushi ‘gratis’ na un compania…(?) y ora trahador di Serlimar a protesta ……pa defende nan trabao den futuro …cu nan bon derecho…..anto ta para e decision aki atrobe ..pakiko ? Pasobra sr. Mike de Meza ta duna valor na su nomber cu pueblo a bendicione cune THE MESS…..otro messsss otro caos causa pa Ministro Mike de meza alias The Mess.

PPA ta sinti cu gobierno di Aruba, parlamento di Aruba y kizas un bon parti di pueblo no ta consciente di e importancia di un bon medio ambiente pa nos propio salud publico pero tambe pa nos keda un isla cu por atrae turista. Pesey PPA ta keda cuestiona con pueblo y comercio por guli manda abao un ‘upgrader’ cu su consecuencia bao di grito cu e refineria lo habri bek ??? Con nos ta accepta un re-apertura SIN cu ley di medio ambiente lo conta pele ?? Con nos ta accepta deramento di ‘asbest’ na rand di Lago Heights anto den tempo cu biento ta bira …..?? y mucho mas….?

PPA ta di opinion cu mucho mas atencion mester worde dedica na nos Medio Ambiente. PPA ta boga pa un plataforma nacional entre gobierno, parlamento, NGO’s y otro grupo interesa pa sinta hunto y jega na un maneho asina.


Aruba, 7 december 2016
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co