Un di e consehonan cu CFT a duna pa mehora e gobernacion di nos Pais ta pa Gabinete Eman raporta cada kwartaal na Parlamento con ta bayendo cu e implementacion di e presupuesto y e medidanan cu Gabinete Eman ta introduci. Esaki ta necesario pa asina Parlamento por haci su trabou di control y di e manera aki tambe por sa na tempo si mester cambia e presupuesto.

CFT a conseha Gobierno tambe pa minimo dos biaha pa aña bin cu un cambio di presupuesto si ta necesario. Segun CFT Gobierno por haci cambio por ehempel na april y oktober y pa no laga esaki pa e periodo memei di Pasco cu Aña Nobo manera ta e custumber awor, ya cu esaki ta tempo perdi y ta perhudica e budgetrecht cu ta Parlamento su derecho di por haci cambio den e presupuesto di nos Pais.

Den cuadro di aki CFT a recomenda Gabinete Eman pa presenta un plan promer cu 1 di februari con lo implementa e 24 medidanan cu Gobierno mes a propone. A base di e plan aki compania cu e informacion di e raportahe di tur kwartaal, lo por saca afor si locual Gabinete Eman ta presupuesta ta realistico y si e medidanan proponi lo yuda drecha e situacion financiero di nos Pais.

28 januari 2014

Expresionnan haci den e articulo aki no necesariamente ta refleha opinion di ArenaPoliti.co