Na Minister Presidente Mike Eman
Na MInister encarga cu energia Mike de Mesa

Aruba, 27 februari 2015

Excelencia ministernan,

Relaciona cu actividadnan riba e tereno di e refineria pa cu su desmantelacion, nos ta acerca bo cu lo sigiente.

Nos refineria ta actualmente e UNICO alternativa pa rescata economia di nos pais, pa garantisa nos moneda, pa crea cupo di trabou, y mas principal, pa scapa nos pueblo di medida.
Actualmente e sector turistico ta cargando 85% di nos economia, y ya gremionan hotelero a indica cu nan so no por sigi carga e economia di nos pais.
Re-apertura di e refineria ta di vital importancia pa rescata nos pais, y manera boso sa, tin interes pa re-apertura di nos refineria, y nos pueblo no kier mas medida, nos pueblo merece alternativa.

Pa e motibo aki nos ta exigi pa PARA e desmantelacion di e refineria, y nos ta urgi Gobierno di Aruba pa asumi un rol mas activo y agresivo den re-apertura di e refineria.
Si en caso cu Valero no actua di buena fe den benta di e refineria, Gobierno di Aruba mester asumi un actitud mas agresivo, similar na e gobierno di St. Croix cu a kita e facilidadnan di e refineria y sea busca un cumprado, of opere su mes.

Un grupo representando nos pueblo lo ta na gate di Valero entrante e anochi aki, en espera di un contesta positivo di Gobierno di Aruba.

Atentamente

Evelyn Wever-Croes
Lider di Partido MEP

Expresionnan haci den e articulo aki no necesariamente ta refleha opinion di ArenaPoliti.co