Minister di Cultura Otmar Oduber a reuni cu Gruponan Uni pa asina aki haya un feedback y evalucacion pa cu carnaval 61 bou di e maneho di SMAC. 

Reunion a bay den hopi bon ambiente y te hasta a papia caba riba e preparacionnan pa Carnaval 62. 

Manera por a compronde di e representatenan di Champagne, Los Laga Bay y Royal, tabata un bon experincia con SMAC a handle su prome carnaval. 

Mas cu claro tin cosnan cu mester drecha, pero pa un organisacion nobo SMAC a haci un bon trabou pa ehecuta e celebracion di carnaval den asina poco tempo.

Gruponan Uni ta hopi contento cu nan a haya e oportunidad pa duna un evaluacion  na Minister Oduber, esaki ta exactamente e trato cu nan tabata desea for di basta tempo caba. 

Pa nan e ta hopi importante cu nan ideanan ta wordo scucha, cu ta tene na cuenta nan ponencianan y cu e transparencia cu SMAC tin cu e gruponan di carnaval ta hacie hopi mas facil y placentero pa traha cu ne.

Expresionnan haci den e articulo aki no necesariamente ta refleha opinion di ArenaPoliti.co