Perspectiva Independiente without background 001

Aruba lo tin su prome minister presidente femenino?

170924 Aruba lo tin su promer minister presidente femenino 01
Aruba pronto lo tin su prome minister presidente femenino? Nos Reino a conoce varios minister presidente femenino. E gran mayoria di minister presidente femenino tabata lider di Antiyas Hulandes. Tin indicacion ta mustra cu awo Aruba pronto tambe lo bay tin un hende muhe como minister presidente.

Prome cu e resultadonan di tur urna electoral a drenta, ya lider di partido MEP, Evelyn Wever-Croes a laga sa cu lo traha mas lihe posibel pa e gobierno cambia pa asina tambe preveni un proceso largo (manera na Hulanda) cu lo prolonga un gobierno demisionario di signatura AVP. 

Antiyas Hulandes y Sint Maarten 
Nos Reino a conoce varios minister presidente femenino. E gran mayoria di minister presidente femenino tabata lider di Antiyas Hulandes. Sint Maarten a conoce un minister president femenino den persona di Sarah Wescot-Williams. Señora Wescot-Williams tabata e prome minister president di Sint Maarten despues di e restructuracion di Antiyas na 2010. 

Sint Eustatius, Saba of Boneiro no a wordo lidera pa un persona femenino prome of despues di 10 di oktober 2010. Hulanda te ainda tampoco a conoce un minister presidente femenino.  

Ta prome biaha? 
Prome cu 1986, ora cu Aruba tabata forma parti di Antiyas Hulandes, oficialmente Aruba a wordo lidera pa mas cu un minister presidente femenino. Pa ser exacto, Antiyas Hulandes a conoce 5 minister presidente femenino den ultimo 40 aña. 
  • Lucina da Costa Gomez-Matheeuws (1927) augustus 1977 NVP / PNP
  • Maria Liberia-Peters (1941) 1984-1986 NVP / PNP
  • Maria Liberia-Peters (2x) (1941) 1988-1993 NVP / PNP
  • Suzy Camelia-Römer (1959) (1x) november - december 1993 NVP / PNP
  • Suzy Camelia-Römer (1959) (2x) 1998-1999 NVP / PNP
  • Mirna Louisa-Godett (1954) 2003-2004 FOL
  • Emily de Jongh-Elhage (1946) 2006 - 10 oktober 2010 PAR
Tur 5 tabata na mando prome cu a restructura reino na 10/10/10. Di e 5 lidernan aki, Aruba, oficialmente a cay bou di dos; Lucina da Costa Gomez-Matheeuws na 1977, y Maria Liberia-Peters durante e periodo 1984-1986. 
E luga sosial di e hendemuhe tin ku keda fortifika mientrastantu tiki tiki sosiedat lo tin ku kustuma ku e aktitut di e hendemuhe lo kambia mas i mas den futuro pa desaroya su persona, su balor propio.” – Lucinda Da Costa Gomez (1929-2017) fuente: Triunfo di Sablika

Emily de Jongh-Elhage tabata e ultimo minister presidente di Antiyas Hulandes. Desde cu Corsou a haya su status aparte na 10/10/10, Corsou no a conoce un ser femenino como minister presidente. 

AVP den oposicion, MEP den gobierno
E resultado di Aruba su eleccion parlamentario diabierna ultimo a mustra cu pa di 3 eleccion consecutivo partido AVP ta esun di mas grandi, a pesar di a perde 4 asiento. Declaracionnan haci e mesun anochi a mustra cu partido AVP lo opta pa drenta oposicion y cu Mike Eman lo retira como lider di AVP. Tambe a sali na cla cu partido AVP no lo kier a traha cu partido POR den un gobierno. 

Consecuentemente, e siguiente partido cu ta bin na remarca pa forma un gobierno lo ta MEP, y e unico manera pa sera un mayoria lo ta cu ayudo di POR. Pa mas stabilidad y un mayoria berdadero den voto, lo por considera añadi ReD na e formacion. Esaki pa preveni e situacion di un Mayoria Ficticio (lesa Asiento 22 | S01E04). 

Un minister presidente femenino pa Aruba
Ta custumber cu e partido cu tin e inicitativa den e formacion ta nombra e minister presidente. Mirando cu MEP su lider ta den persona di un hende muhe, Evelyn Wever-Croes, nos lo por deduci cu Aruba probablemente lo por oficialmente yega na tin su prome minister presidente femenino, desde cu Aruba a bira 'baas den nos mes cas' na 1986.

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.