Den e ultimo simanan DTP ta haciendo nan controlnan rutinario pero sumamente exsitoso. DTP ta poniendo un attencion specifico de e area di nos Aeropuerto, unda ta atendiendo directo y cu man fuerte hunto cu Polis e asunto di Taxi Pirata.

Ta trata aki di esnan cu ta bin busca e turistanan na nos aeropuerto sin e permisonan concerni. Ta bai tin accionnan cu ta bai continua den e direccion ki. Ta para e turistanan notificanan cu locual nan ta haciendo no ta accion corecto y ta te hasta yama un taxi pa hiba e turistanan nan destinacion manera mester ta.

Minister Oduber ta bisa cu e accion aki ta bayendo hopi bon y lo bai reinforza esaki aun mas. Sr. Oduber ta comenta “Nos ta bezig cu leynan cu esunan cu ta atende cu esnan cu ta hasi e trabou aki den un forma illegal.  Awor aki Ministerio Publico ta mustra riba e hecho cu no por atende cu e chauffuer, ya cu nan ta usa e excusa di cu ta un lift nan ta duna e turistanan y no ta cobrando. Locual DTP ta haciendo awor aki hunto cu Cuerpo Policial, ta pa detecta e turistanan cu si ta pagando y ta atende cu e turistanan cu locual nan ta haci no ta corecto.”

Mescos ta actuando riba transporte publico en general, riba e aspecto di bus pirata den diferente barionan. Ta atendiendo cu e regulacion y e trabou di esnan cu si tin un verguning cu nan ta haci esaki conforme cu locual ta permicibel y conforme nan permiso.

E acionan aki ta bai continua segun Minister Oduber. Ta atendiendo cu e scarcedad di personal pa e departamento por eherce e trabou debidamente. E mandatario ta splica: “ Nos ta sondeando den e aparato gubernamental personanan cu lo kier un overplaatsing pa bai traha na DTP, cual nos ta ricibiendo bon reacion tambe. Di e forma aki nos por segura cu e empleadonan, cual ta hopi limita na e momentonan aki, cu lo bin un expansion di personal pa por cubri e wardanan necesario, pa segura e respet y naturalmente mas cu tur, percura pa e ordo cu mester tin den transporte publico.”   

Expresionnan haci den e articulo aki no necesariamente ta refleha opinion di ArenaPoliti.co