Eddy Ras di Democracia Real: Enseñansa tin su influencia pa mehora productividad laboral [+audio]
Den e rapport di CFT y rapport di IMF, ambos ta señala cu un di e retonan structural cu Aruba tin su dilanti ta e situacion cu e productividad laboral ta abou. Pa por traha riba e reto menciona mester comprende di cua factornan productividad laboral ta depende, y cua factornan tin influencia riba productividad laboral. Productividad laboral ta con efectivo empleadonan ta presteer. Por ehempel tin un proyecto cu mester wordo ehecuta den un periodo di 4 luna, y por dicidi di bay hasi uzo di 5 of 10 empleado. Door di hasi uzo di menos empleado (dus 5 den e ehempel aki) e productividad ta grandi, pa e motibo cu menos empleado lo hasi e trabou enbez di hasi uzo di mas empleado. Otro manera di midi e productividad laboral ta si hasi uzo di mas empleado y e proyecto lo termina den un periodo mas cortico. Den e ehempel menciona esey nifica, haci e projecto cu 10 empleado pero enbez di termina e projecto den 4 luna, ta termin’ e den 2 luna di tempo. Un di e factornan cu tin influencia directo riba productividad laboral ta enseñansa. E motibo pa kico enseñansa tin influencia riba productividad laboral ta, cu un empleado cu tin bon conocimiento riba su materia e lo presteer optimal. Aunke cu enseñansa na Aruba conoce su limitacionan mester percura pa nos por ofrese tur locual cu por. Cu limitacion mi kiermen cu no ta tur opleiding tin na Aruba (p.e. scheepvaart, luchtvaart,enz) y momento di sigui studia, hopi hobennan mester sigui un estudio avansa den exterior. Momento cu ta bay traha riba e topico enseñansa, mester evalua ki oportunidadnan enseñansa mester por ofrese pa keda mehora productividad laboral. Tres punto cu ta hunga un rol grandi entre e relacion di enseñansa y productividad laboral ta:
- “Scholing”. Momento cu empleadonan ta bon educa nan productividad laboral lo ta halto. Aki ta unda cu calidad ta di suma importante. E calidad ta percura cu un alumno ta domina e materia optimal. Door di domina su materia optimal e por funciona den su trabou na un manera optimal.
- “Bijscholing”. Bijscholing ta brinda oportunidad pa cuidadanonan keda desaroya nan mes pa asina nan no cay atras segun nan trabou ta desaroya. Y tambe crea oportunidad pa es nan cu pa un motibo of otro no a haya oportunidad pa sigui un opleiding.
- “Herscholing”. Un persona cu a sigui un opleiding cu no ta pas cu su persona, lo no duna productividad optimal cu consecuensia cu su productividad laboral lo keda cada bez bira menos. Y pa es motibo mester tin e oportunidad pa e haya chens di sigui un otro opleiding cu e ta sinti cu ta pas mas cu su personalidad.
- Reapertura di e refineria. E refineria lo brinda empleo cu miho salario y lo crea trabou su rond (p.e. ehempel contratista, negoshi di cuminda, etc).
- E ferry entre e Aruba, Corsou y Boneiro. Un pilar economico cu lo tambe crea empleo.
- Economia di Internet, un ramo den cual nos hubentud por desaroya fasilmente ja cu hopi ta domina e materia tecnico pa traha applicacionan y tambe por haci “e-learning” online si mester.
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...