Na Aruba banda di reguliere scholen (scolnan den dia), tin diferente scolnan cu ta ofrese enseñansa pa adulto. Den enseñansa pa adulto tin anochi scol di ofishi (avondleergangen beroepsonderwijs) . Actualmente mayoria di opleiding cu avondleergangen beroepsonderwijs ta ofrese, ta tecnico. Momento cu un alumno caba un opleiding na EPB y si e alumno kier sigui un otro opleiding na EPB mes, tin condicionnan cu e alumno mester cumpli cu nan. Si esaki no ta e caso, e alumno no tin oportunidad pa sigui un opleiding den dia y oportunidadnan cu ta ked’ e ta middag/avond MAVO, avondleergangen beroepsonderwijs cu actualmente mayoria ta tecnico of enesañansa pa empleo. Pa alumnonan cu a caba opleiding service, horeca of economia, un opleiding tecnico no ta stroom door na locual e alumno a bin ta studia. Door di diversifica e opleidingnan di avondleergangen beroepsonderwijs, bo ta brinda mas oportunidad den diferente ofishi. Na mes un momento cu diversifica opleidingnan di avondleergangen beroepsonderwijs, bo ta reforsa bijscholing y herscholing.

Bijscholing cual cu ta brinda oportunidad pa personanan cu kier sigui avansa den nan mesun materia cu nan a bin ta studia. Por ehempel un persona cu a studia horeca y kier sigui un opleiding cu lo verdiep su conocimiento den horeca. Esaki ta brinda e oportunidad cu e por especialisa su mes mas den su materia y cu den futuro e por yega na un mihor empleo, y por logra haya un mihor promocion. Herscholing cu ta brinda oportunidad pa personanan cu kier diversifica nan conicimento riba otro profesion. Tin persona cu a bin ta studia un materia cu despues di tempo nan a bin ta ripara cu e profecion no ta pas cu nan personalidad. Tambe tin persona cu no a haya un trabou den locual nan a bin ta studia y nan a haya un trabou den otro profesion.Tanto e parti bijscholing y e parti di herscholing ta mehora productividad laboral. Productividad laboral ta wordo mehora pa motibo cu e persona tin mas conocimiento den su trabou. Mas conocimiento ta hasi cu e persona cu ta domina su trabou miho, lo duna un miho resultado. Na mesun momento tin un segundo oportunidad pa personanan cu pa un motibo of otro no por a termina nan enseñansa den nan hubentud. Apesar di alumnonan cu a termina EPB, tin hopi persona cu tin bassischool of MAVO como opleiding. Momento cu nan haya un empleo nan ta cuminsa cu minimumloon y nan salario ta aumenta masha lento mes mientrastanto cu costo di bida si ta bin ta subi mas acelera. Cual cu ta hasi e parti financiero di un persona mas dificil y cu cada bez e por hasi menos cu locual cu e tin pa luna. Door cu nan no tin un miho diploma, nan no ta logra yega na un miho salario of un mihor puesto. Personanan cu lo sinti e efecto di aumento di costo di bida mas, ta esnan di menos recurso. Y ta bisto como cu actualmente e bestaansminimum pa alleenstaand persoon mester pa biba ta 2110 florin netto pa luna. Compara cu e minimum loon un persona ta bin cu ne ta den careda di 1500 florin netto pa luna. Door di crea mas oportunidad di estudio, personanan tin e posibilidad di yega na un miho salario cu lo duna nan y nan famia un mihor stabilidad.

Expresionnan haci den e articulo aki no necesariamente ta refleha opinion di ArenaPoliti.co