Aruba conoce un Refeneria desde aña 1928 anto esaki tawata e base economico pa henter nos pais. Prome cu esey tawata tin Aloe, Oro, Cabay y Fosfaat pero niun no a contrubui manera nos Refeneria. Despues cu LAGO durante mas cu 60 aña a forma parti importante den Aruba su desaroyo económico, e refeneria anuncia cu na Maart 1985 e lo cera su portanan. E presencia di LAGO na bos isla a contribui grandemente na e crecemento di nos economia. Milea di Arubano a hata trabao p'asina nan por a cría nan famia honradamente. Tambe miles di trahador a bin for di exterior pa traha den e refeneria y a contrubui na e desaroyo positivo aki.

Mirando e impactonegativo cu cierre di e redeneria lo trece pa nos communidad, nos Libertador efm Gilberto François "Betico"Croes a declara e tempo ey cu "SI TIN 1% DI POSSIBILIDAD PA HABRI E REFENERIA ATROBE, CU NOS MESTER EXPLORA ESAKI PROFUNDAMENTE." Den cuadro cu aki varios viahe a wordo haci pa Venezuela pa trata di yega na acuerdonan ariba un trato preferencial pa LAGO. Sinembargo tur e intencionan aki a resulta envano y finalmente LAGO definitivamente a para su operacionan pertolero y a bandona Aruba.

Partido AVP a drenta Gobierno na December 1985 bo a wordo haci niun intento pa un reapertura di e refeneria y dia 29 di Januari 1988 Gabinete Henny Eman a firma cu e compania Hilandes Schotte Sloopwerken B.V y tambe cu Westcoast di Merca pa corta y desmantela e refeneria completamente y bende e resonan como jero bieuw den exterior.

Dia 28 di Maart 1989, apenas dos luna y mey despues cu Movimiento Electoral di Pueblo (MEP) a gana elección y a drenta Gobierno, negosacionan serio a cuminsa cu Coastal Oil Refinery pa reapertura di e refeneria y cu MEP semper a biba y kere den esaki. Dia 19 di Oktober 1989 Parlamento di Aruba a aproba e contrato cu Gabinete Oduber a firma cu Coastal y cual contrato a ser firma door di Prome Ministri Nelson Oduber y Sr. Oscar Wyatt. Despuesbdi trabaonan duro y intensivo e reapertura di e refeneria a bira realidaf di 20 di April 1991.

E Gobierno di Mike Eman prome cu elección di 2009 cu Valero den wega sushi a anuncia cu e ta stop e operacion di e refeneria y pa'asina perhudica partido Movimiento Electoral di Pueblo (MEP). E Prome Minister Mike Eman a grita henter campaña cu e lo habri e refeneria despues di elección, pasobra e tin un deal di 40 Miyon florin cu Bill Klesse di Valero. Asina AVP a gana elexcion cu Mentira y Manipulacion mescos cu nan lo Elimina BBO. Mike Eman a anuncia cu den un siman di tempo e ta bay PEMEZ na Mexico y lo habri e refeneria. Esaki a resulta den un mentira flagrante. Despues a sigui cu un avalnache di mentirabab di Mike Eman y Mike De Meza:

1. Reina Beatrix lo bay papia cu PEMEX pa habri e refeneria.
2 mike de Meza lo bay papia cu Petro China na New York pa habri e refeneria.
3. Pacific Rubiales Energy di Colombia lo bay habri e refeneria.
4. Ministernan Verhagen y Eurlings lo bay fix un deal cu Petrobras p'asina habri e refeneria.
5. Ecopetrol na Colombia lo habri e refeneria.
6. Pedevesa di Venezuela lo havri e refeneria.
7. Ni e Settlement Agreement entrrr Gobierno y Valero no a conduci na un reapertura di e refeneria.

Finalmente Gabinete Mike Eman I a cera e refeneria 15 di November 2012.

Esfuersonan importante di Parlamentario (MEP) Glenbert F. Croes cu PDVSA/CITGO a logra pa porfin yega na un MOU cu Gabinete Mike Eman II pero Valero ta keto keto den e proceso aki. Mirando cu Valero a abusa di nos pais y pueblo nos ta keda hopi critico cu e proceso anto kier mas tanto transparencia atraves di nos Parlamento. Minister Mike De Meza tin un track record desastroso den Gobernación di pais Aruba anto mi no ta confia den su capacidad como Minister mirando tur e blunder y daño cu e la ocasióna na nos digno pueblo.

Gabinete Mike Eman I y II a traiciona e digno pueblo di Aruba riba varios nivel anto nos no por tin confiansa den e MOU cu a wordo firma cu PDVSA/CITGO ja tin varios compania na Aruba pa desmantelacion di e refeneria. Ban spera e biaha aki e interés di Aruba y su pueblo prevalece.
"The only effective answer to Organized Greed is Organized Labor."
Thomas Donahue

Expresionnan haci den e articulo aki no necesariamente ta refleha opinion di ArenaPoliti.co