Manera ta bisto ultimo tempo ta hopi bishitante ta kedando na tur parti rond na Aruba menos den un hotel. E turistanan aki sigur no ta e turistanan cu nos pais semper a custumbra cune. Sigur esaki ta cai cu sentimento mixto pa comunidad cu no ta custumbra cu esaki pero tambe e ta bisa algo di un maneho negligente di minister di turismo.

Den segunda tanda miembro di fraccion AVP a entrega un mocion pa studia other accomodations cual porcierto un bon mocion. Nos di oposicion tin hopi tempo caba ta vociferando nos preocupacion cu e desaroyo aki pasobra tur parti rond Aruba bo ta haya hendenan ta lastra maleta. Sigur e ta algo cu na promer instante no ta di confia pasobra nos mester a concentra riba eleva calidad di turismo y no downgrading.

E fenomeno aki a bira asina grandi cu den tur bario tin bishitantenan cu ta wordo acomoda enbes di ta na hotel. Esaki a preocupa fraccion AVP y pone entrega un mocion pa studia e efecto "other accomodations" na Aruba. No solamente e la lanta preocupacion sino na mesun momento e ta indica desconfiansa den maneho cu Minister Oduber ta hibando cu turismo na Aruba. Basa riba e motibonan aki y algun mas fraccion di MEP a sostene e mocion aki. Nos ta spera cu esaki por bai cambia rumbo di e maneho cu ta wordo hiba y cu e ignorancia di parti Minister Oduber lo yega su fin riba e asunto aki. Esnan trahando den e sector turistico ta sintiendo e efectonan aki. No solamente Otmar Oduber su maneho a outprice nos pais cu tanto medida sino a atrae turisitanan di menos calidad! Un maneho cu sigur a faya y no a duna resultado!

Expresionnan haci den e articulo aki no necesariamente ta refleha opinion di ArenaPoliti.co