MEP: Minister Dowers mes arogante cu semper ta nenga cu tin criminalidad
FRACCION DI AVP TA COMPLICE NA E CRIMENNAN NA ARUBA.
ORANJESTAD -- Parlamento diamars ultimo a trata presupuesto di husticia. locual a resalta ta cu e minister cu e emsun actitud arogante cu semper, no ta realisa cu tin un problema serio di criminalidad. pa minister Dowers tur cos ta bon, no tin problema.
Pa minister Dowers ta pueblo ta exagera.
Lamentablemente den e presupuesto 2017 ta apenas 5 miyon florin extra e departamentonan di husticia ta ricibi, y esey ta nada pa combati criminalidad. si criminalidad ta e problema mas grandi pa e gobierno aki, bo ta spera cu nan lo refleha esaki den e presupuesto tambe., dunando e ministerio di husticia mas fondo. Pero riba e grafico adhunto bo por mira cu esey no ta e caso, y cu e ministerio di husticia Husticia y combatimento di criminalidad no tin prioridad di e gobierno aki.
E parlamentarionan di AVP ta complice na e crimennan na Aruba, pasobra en bes cu nan controla gobierno y cuestiona e maneho di gobierno, nan ta keha riba kiko a pasa 15 anja pasa na Aruba tempo cu MEP tabata den gobierno. Keda pega den pasado. Asina logicamente bo no por goberna. Ta pesey nos no tin un vision con pa atende cu criminalidad, pasobra e vision di AVP ta keda wak patras.
Un conclusion por saca di e reunion aki: e minister no tin interes pa combati criminalidad, y e fraccion di AVP den parlamento ta hunga e wega hunto cun'e. E 10 miyon florin cu Mike Eman a compromete cu Comision PRO seguridad despues di e marcha dia 13 di oktober, tampoco a wordo poni den e presupuesto aki. E gobierno aki ta parse di ta complaciente na tur clase di crimen pasobra nan ta nenga di bringa criminalidad cu man duro.
ORANJESTAD -- Parlamento diamars ultimo a trata presupuesto di husticia. locual a resalta ta cu e minister cu e emsun actitud arogante cu semper, no ta realisa cu tin un problema serio di criminalidad. pa minister Dowers tur cos ta bon, no tin problema.
Pa minister Dowers ta pueblo ta exagera.
Lamentablemente den e presupuesto 2017 ta apenas 5 miyon florin extra e departamentonan di husticia ta ricibi, y esey ta nada pa combati criminalidad. si criminalidad ta e problema mas grandi pa e gobierno aki, bo ta spera cu nan lo refleha esaki den e presupuesto tambe., dunando e ministerio di husticia mas fondo. Pero riba e grafico adhunto bo por mira cu esey no ta e caso, y cu e ministerio di husticia Husticia y combatimento di criminalidad no tin prioridad di e gobierno aki.
E parlamentarionan di AVP ta complice na e crimennan na Aruba, pasobra en bes cu nan controla gobierno y cuestiona e maneho di gobierno, nan ta keha riba kiko a pasa 15 anja pasa na Aruba tempo cu MEP tabata den gobierno. Keda pega den pasado. Asina logicamente bo no por goberna. Ta pesey nos no tin un vision con pa atende cu criminalidad, pasobra e vision di AVP ta keda wak patras.
Un conclusion por saca di e reunion aki: e minister no tin interes pa combati criminalidad, y e fraccion di AVP den parlamento ta hunga e wega hunto cun'e. E 10 miyon florin cu Mike Eman a compromete cu Comision PRO seguridad despues di e marcha dia 13 di oktober, tampoco a wordo poni den e presupuesto aki. E gobierno aki ta parse di ta complaciente na tur clase di crimen pasobra nan ta nenga di bringa criminalidad cu man duro.
Expresionnan haci den e articulo aki no necesariamente ta refleha opinion di ArenaPoliti.co