Despues di 8 anja di desaster y chaos di e gobierno di Mike Eman ta obvio cu e gobierno aki no tawata tin un vision y mucho menos a goberna cu e prioridadnan correcto. Un gobierno cu ta scohe proyecto di tram riba un Mavo/Havo/VWO na Noord ja caba por conclui cu nan ta gobernando cu prioridadnan completamente robez. E proyecto di tram porcierto ta un proyecto cu a costa nos pueblo 32 miyon floirin, placa di pueblo benta afor y un fracaso. Recientemente propio promer minister Mike Eman a admiti cu e tram a fracasa y pe tawata un eye opener y cu e no tawata sa cu hende no ta baha for di e tram. Awe nos pueblo a paga pa 4 tram siendo den practica 1 so tawata necesario.  No solamente e tram tawata un prioridad robez sino e proyecto di Green Corridor. E gobierno aki a scohe di bai inverti 400 miyon den un via nobo pa San Nicolaas envez di inverti den barionan cu a ser neglisha y lubida pa e gobierno aki. Ta incomprendibel con Mike Eman y su gobierno ta prefera di kibra asphalt y pone klinker cu asfalta tur e barionan na Aruba. Lo tawata mas na su lugar di usa e placa di green corridor pa pone asflat den tur e barionan cu ta wordo azota y molestia pa stof. Pero AVP no a mira esaki como prioridad. Nan prioridad tawata pa cumpra klinker, kibra camindanan cu tawata tin asphalt pa pone klinker. Nos ta lamenta cu tur e otro barionan a ser neglisha y lubida. Ta masha hopi bario tin actualmente na Aruba cu no tin asphalt y tin molester di santo. Nos partido no solamente ta cuestiona, senjala y critica cosnan cu ta bai robez sino tambe nos ta ofrece solucion y alternativanan pa cu esaki. Nos kier haci e compromise cu e pueblo aki cu nos lo pone como prioridad pa barionan haya asphalt. Esaki ta necesario pa hopi bario y hopi habintante.

Cu MEP den e proximo gobierno nos lo goberna cu e prioridadan correcto. Cada florin di e pagador di belasting pueblo lo wordo gasta na un forma responsabel. Mike Eman a window dress Aruba y tira santo den wowo di hopi hende y en realidad e la neglisha masha hopi bario y Aruba a deteroria. Ta manera drecha un cas dilanti y laga paden putri bai. Nos tin e compromiso cu e pueblo cu nos lo cambia direccion di nos pais.

Expresionnan haci den e articulo aki no necesariamente ta refleha opinion di ArenaPoliti.co