MEP: Entradanan di gobierno ta sigui di ta irealistico! For di unda Gabinete Eman ta bay saca 19.4 miyon florin extra pa completa presupuesto 2014?
![MEP01](/images/400x210/MEP01.jpg)
Sinembargo locual ta mas remarcabel ainda ta cu durante tratamento di e presupuesto adapta di 2014 na December ultimo, e 13 parlamentarionan di AVP a vota ciegamente na fabor di e presupuesto aki caminda tabata ser premira cu e entradanan total di gobierno pa aña 2014 lo ta 1133 miyon florin (mira e otro tabel). Pero awor cu e cifranan oficial di 2014 di Banco Central ta conoci y cu ta mustra cu gobierno realmente a haya solamente 1113.6 miyon florin na entrada, ta con Gabinete Mike Eman y su 13 parlamentarionan ta bay hustifica e 19.4 miyon florin MENOS na entrada den 2014? Di unda nan lo saca e suma extra aki y p’asina cumpli cu locual nan mes a vota pe na december ultimo?
Cu esaki ta demostra un biaha mas cu e supuesto profesornan den AVP no tin ningun nocion di finansa publico y ta muestra di nan incapacidad pa sigui dirigi destino di e pais aki.
Expresionnan haci den e articulo aki no necesariamente ta refleha opinion di ArenaPoliti.co