Parlamento a reuni cu minister di finansas sr Angel Bermudez tocante e rapport di CFT y den e reunion tabata obvio cu e minister tabata contradisiendo tur e mentiranan cu integrantenan di AVP ta tresiendo padilanti, especialmente di Baba Herde.
Baba Herde a sali e siman aki cu e hilaridad mas grandi: cu ta oposicion a busca CFT y cu oposicion ta di acuerdo cu CFT.
sr. Angel Bermudez tabata cla y raspa den dos cos: cu ta AVP a pidi CFT hasi investigacion, y cu ta AVP mes a propone e 24 medidanan menciona den e rapport di CFT.
Pues ningun momento ta asina cu ta MEP a busca CFT, ni cu MEP ta di acuerdo cu CFT. Ta AVP a busca CFT y ta AVP mes a propone e 24 medidanan cu CFT ta papia di nan. sr. Bermudez a bai mas leew: cu e 24 medidanan ey ta den e presupuesto di 2014 caba, e presupuesto cu Baba Herde mes a vota VOOR. Ta obvio cu Baba Herde no sa mas con pa saca su curpa y pesey a lansa e mentira mas absurdo cu por a sali di su boca.
sr. Angel Bermudez a desbarata Baba Herde y laga bon cla un biaha mas cu Baba Herde ta un mentiroso patologico!

Expresionnan haci den e articulo aki no necesariamente ta refleha opinion di ArenaPoliti.co