Recientemente minister di finansas a hasi entrega di presupuesto 2016 na presidente di parlamento. E minister a splica cu e presupuesto 2016 ta parti di proyecionan presupuestario multi-annual te cu aña 2018.

Loke e minister obviamente no a trece dilanti ta e hecho cu presupuesto 2016 tambe ta mara na e cadena di medida cu a inicia cu presupuesto 2014. E cadena di medida aki ta consisti di 24 medida cu kier of no lo ta afectando tur cuidadano di Aruba.

Un di e medidanan mas cruel lo ta e reforma fiscal cu Gabinete Eman kier bai choca pueblo cune! Ta wordo bisa cu reforma fiscal aki lo hasi cosnan simpel pero loke e ta tapa ta medidanan manera ABB di 8% pa 15%, pero tambe subida inkomstenbelasting, subida di motorrijtuigen belasting y tambe financial transfer tax! No lubida tampoco e plan pa hinca e belasting di number di auto den e prijs di gasolin, y pues esnan cu ta core di San Nicolas bin Playa ta bai paga mucho mas hopi.

Locual ta mas tristo ta cu e lista di 24 medida, ya caba a bira 26 medida. Y medida # 25 ta cortamento di indexering di ambtenaar, y # 22 ta eliminacion di reparatie toeslag.

Tur esaki ta wordo scondi pa pueblo mientras cu e medidanan aki lo bai afecta pueblo na un manera hopi severo! Nos di oposicion ta lamenta cu cosnan a bai asina leu y aworaki ta bai horca pueblo cu un otro presupuesto di aña 2016 cu ta contene avalancha di medida!

Expresionnan haci den e articulo aki no necesariamente ta refleha opinion di ArenaPoliti.co