En bes di inverti den aeropuerto, Gobierno a saca 60 miyon florin na dividend!  

WAYACA -- E yubia torencial a causa hopi molester na henter Aruba, pero sigur na nos aeropuerto. Tabata un berguensa pa mira tur e grabacionnan di awa ta basha den e aeropuerto, caminda cu turistanan mester cana. Tursitanan preparando pa subi avion, mester cana den awa, nan sapato a keda tur muha. Berguensa real! Esaki ta Aruba 5 strea?

Desde cu Mike Eman a drenta gobierno, ela saca 59.6 miyon florin for di AAA NV, pa asina e por biaha y fiesta na su antoho. Derocha placa sin inverti den AAA NV. Casi 60 miyon cu por a wordo inverti den e infrastructura di aeropuerto, pa evita e desaster cu henter mundo por a presencia e fin di siman aki.

Trahadornan dedica di AAA NV ta purba di tur forma, pero gobierno ta manda den board, y ora gobierno manda opdracht pa chica dividendo di AAA e board mester cumpli.
Y pa cualquier capricho di Mike Eman y Otmar Oduber nan tabata manda opdracht pa chica AAA NV.

Ta logico ora bo saca 60 miyon for di un compania, e compania no por percura pa su infrastructura. Y awor henter e pueblo ta sufri. Gabinete Mike Eman a faya un biaha mas y mester tin berguensa! 

Expresionnan haci den e articulo aki no necesariamente ta refleha opinion di ArenaPoliti.co