Diabierna atardi Profesor Willem Vermeend a tene un reunion cu Minister di Finanzas, representantenan di departamento di impuesto y tambe Aduana pa informa encuanto su progreso riba e comision di e reforma Fiscal y su ideanan cu e lo propone na gobierno di Aruba pa 2015 y 2016.

Manera e mandatario di finanzas a menciona na varios ocasion caba pa loke ta trata e sistema di impuesto, tin un suma grandi cu no a wordo cobra y/of paga ainda pues esaki ta refleha tambe e necesidad pa modifica y mehora e sistema di impuesto na Aruba.

Punto di salida pa cu e reforma fiscal, segun Profesor Vermeend ta keda simplificacion y modernisacion di tur e leynan pa asina por mehora e cumplimento di e mesun leynan aki. Na mes momento e la sugeri pa cancela algun ley di impuesto cu no ta bale la pena pa sigui cun’e den ehecucion.

Den e proximo simannan Profesor Vermeend lo finalisa e rapport y haci algun calculacionnan necesario. Mientras tanto e reforma fiscal aki ta keda un prioridad den e maneho di Minister Bermudez y e ta spera cu pronto e lo ricibi e conseho final di e comision di reforma fiscal pa asina por cuminsa mehora esaki lo mas pronto posibel.

Expresionnan haci den e articulo aki no necesariamente ta refleha opinion di ArenaPoliti.co