"Cancer ta un malesa cruel, cu por toca na porta di tur hende, Awendia hopi hende hoben ta wordo diagnostica cu cancer. Un malesa cu desde e prome diagnostico ta causa hopi dolor y angustia na e paciente, pero tambe na su famia y esnan cu ta stim'e.

Di experiencia propio mi por bisa cu no ta nada facil pa 'deal' cu e malesa aki, ora bo wak sernan stima di bo ta lucha pa nan bida. 

Pesey fundacionnan manera Wilhelmina Kanker Fonds, Mary Joan Breast Cancer Foundation, Brian Harms Fundation, Stichting BOB y sigur sin lubida mama Poli, ta asina esencial den nos comunidad. Pa bo no mester enfrenta e maleasa aki bo so.Esnan cu ta labora eynan ta dedica nan mes cu alma y cuerpo pa e paciente y su famia, y ta di elogia,

Den luna di oktober, luna den cual nos ta enfoca riba concientisacion riba e malesa aki. Deteccion trempan por yuda bo den e lucha, bo posibilidadnan pa recupera ta mucho mas grandi den e caso cu e malesa wordo detecta na tempo. Tuma bo salud na serio, controla bo mes regularmente. Bo no ta hasi esaki solamente pa bo mes, sino pa tur esnan cu bo ta stima.

Mientras tanto ban sigi resa pa nos haya un cura pa e malesa aki, cu a ranca asina tanto sernan stima di nos" lider di MEP, Evelyn Wever-Croes a declara.

Expresionnan haci den e articulo aki no necesariamente ta refleha opinion di ArenaPoliti.co